વાવાઝોડું / અરબી સમુદ્રમાં એકસાથે 2 વાવાઝોડાં સક્રિય, ગુજરાતમાં આ તારીખે અસર થાય તેવી શક્યતા

• રાજ્યમાં 3 જુન બાદ બે વાવાઝોડાનો ખતરો, અરબી સમુદ્રમાં સક્રિય થયા
• 3 જુન બાદ રાજ્યમાં વરસાદ વરસી શકે છે, જ્યારે સૌરાષ્ટ્રમાં ભારે વરસાદ પડી શકે
• ગીર-સોમાનાથ જિલ્લો વાવાઝોડાનું કેન્દ્ર બિંદુ હોય શકે છે

અરબી સમુદ્રમાં અત્યારથી લો -પ્રેશર સર્જાઈ ગયું

વિન્ડી (www.windy.com) મુજબ  ગુજરાતના પશ્ચિમ ભાગે અરબી સમુદ્રની અંદર નવી સાયક્લોન પેટર્ન સર્જાઈ રહી છે જેની અસર ગુજરાત પર 3 જુનના દિવસે થઈ શકે છે. અરબી સમુદ્રમાં સોમાલિયા અને  એડન નજીક સર્ક્યુલેશનના કારણે લો પ્રેશર સર્જાયું છે. જે વાવાઝોડું સર્જશે. આ પ્રેશરથી 3 જુન બાદ ગુજરાત અને મહારાષ્ટ્રના જિલ્લાઓમાં વરસાદની આગાહી પણ સેવાઈ રહી છે.

લગભગ 110 કિમીની ઝડપે ટકરાઈ શકે વાવાઝોડું

જો 3જી જૂને વાવાઝોડું આવે તો સૌરાષ્ટ્રના ગીર -સોમાનાથ જિલ્લામાં તેનું મુખ્ય કેન્દ્ર હોઈ શકે છે.  ગીર-સોમનાથી જિલ્લાના ગીર-ગઢડા ગામ અને ગીરનું જંગલ કેન્દ્રબિંદુ બનશે. આ સાથે આજુબાજુના પોરબંદર, જુનાગઢ, અમરેલી, રાજકોટ અને ભાવનગર જિલ્લામાં તેની વધુ અસર દેખાઈ શકે છે. વાવાઝોડાના સ્પીડ લગભગ 110 કિમી/કલાકની હોવાની સંભાવના સેવાઈ રહી છે. 

એક નહીં બે વાવાઝોડાં સક્રિય થયા

અરબી સમુદ્રમાંથી આવી રહેલાં આ વાવાઝોડાંના કારણે 1થી 3 જૂન વચ્ચે રાજ્યમાં વરસાદ વરસી શકે છે. જ્યારે સૌરાષ્ટ્રના અમુક જિલ્લાઓમાં ભારે વરસાદ સાથે પવન ફૂંકાવાની સંભાવાના સેવાઈ રહી છે. આ સાથે રાજ્ય પર 6 જુને ટકરાઈ એવાં બીજા વાવાઝોડાંની પણ સંભાવના છે. આ વાવાઝોડું લક્ષદીપના ટાપુઓ પાસે સર્જાઈ રહ્યું છે. જે 31 મેથી શરૂ કરી બેગલુરૂ- ગોવા- મહારાષ્ટ્રના દરિયાકાંઠા થઈ ગુજરાત આવશે. જે પણ ગીર સોમનાથ જિલ્લામાં ટકરાઈ શકે છે.