વાસ્તુ ટિપ્સ / તુલસી પૂજા કરનારા જરા આટલું વાંચી લેજો, જળ અર્પણ કરતી વખતે ભૂલથી પણ ન કરતા આ 4 કાર્ય, નહીંતર...

• ખૂબ જ પવિત્ર છે તુલસીનો છોડ 
• હિંદૂ ધર્મમાં તુલસીનું ખાસ મહત્વ 
• ભગવાન વિષ્ણુને અતિપ્રિય છે તુલસી

તુલસીને ઘરમાં લગાવીને તેની પૂજા કરવાથી જીવનમાં ઘણી મુશ્કેલીઓ દૂર થાય છે. પરંતુ આ બધુ ત્યારે જ સંભવ છે જ્યારે તમે તુલસી સાથે જોડાયેલા નિયમોને સારી રીતે ફોલો કરશો. ખાસ કરીને તુલસીમાં જળ અર્પિત કરવાના નિયમો. 

તુલસીમાં જળ અર્પિત કરવાને લઈને જાણકારી ન હોય તો તમે આર્થિક સંકટમાં ઘેરાઈ શકો છો. તમને ધન હાનીનો સામનો કરવો પડી શકે છે. એવામાં જરૂરી છે કે તુલસી સાથે જોડાયેલી કોઈ પણ ભૂલો કરવાથી બચો. 

એકાદશીએ ન આપો પાણી 
એકાદશીના દિવસે તુલસીના છોડમાં જળ આપવાથી માતા લક્ષ્મી નારાજ થઈ જાય છે. તેના કારણે વ્યક્તિને ઘણા પ્રકારના આર્થિક સંકટનો સામનો કરવો પડે છે. તેમના બનતા કાર્યમાં અવરોધ આવે છે. તેના ઉપરાંત એવી પણ માન્યતા છે કે આ દિવસે તુલસી માતા ભગવાન વિષ્ણુ માટે નિર્જળા વ્રત કરે છે. માટે એકાદશીના દિવસે તુલસીમાં જળ આપવાથી બચો. 

તુલસીને દક્ષિણ દિશામાં ન રાખો 
વાસ્તુ શાસ્ત્ર અનુસાર જો તમારા ઘરમાં તુલસીનો છોડ છે તો ભુલથી પણ દક્ષિણ દિશામાં તેને ન રાખો. આમ કરવાથી ઘરમાં નેગેટિવ એનર્જીનો પ્રવાહ વધી જાય છે. જીવનમાં મુશ્કેલી આવવા લાગે છે. તેના ઉપરાંત જો તમે તુલસીને દક્ષિણ દિશામાં મુકો છો તો ધન આગમન પર વિરામ લાગી શકે છે. 

વધારે પ્રમાણમાં ન આપો જળ 
તુલસીના છોડમાં વધારે પ્રમાણમાં જળ ન આપવું જોઈએ. એવું કરવાથી તુલસીના છોડના મૂળ કોવાઈ જશે. તેનાથી પણ તુલસીનો છોડ સુકાઈ શકે છે. એવી માન્યતા છે કે ઘરમાં તુલસીનો છોડ સુકાઈ જવો શુભ સંકેત નથી હોતો. 

સૂર્યોદય વખતે જળ આપવું શુભ 
ધાર્મિક માન્યતાઓ અનુસાર તુલસીમાં જળ આપવાનો સૌથી સારો સમય સવારનો છે. એવી માન્યતા છે કે સૂર્યોદયના સમયે તુલસીમાં જળ આપવાથી ખાસ લાભની પ્રાપ્તિ થઈ શકે છે અને આર્થિક સંકટોથી છુટકારો મળી શકે છે. 

સિલાઈ વગરના વસ્ત્ર 
પુરાણો અનુસાર તુલસીના છોડમાં જળ આપતી વખતે હંમેશા એ વાતનું ધ્યાન રાખો કે તમે સિલાઈ વગરનું એક પણ વસ્ત્ર ન પહેરો. સિવેલા કપડા પહેરીને તુલસીમાં જળ આપવાથી લાભ પ્રાપ્ત નહીં થાય.