તમારા કામનું / બાળકોને હસાવવા ગલીપચી કરતાં હોય તો તાત્કાલિક કરી દેજો બંધ, થાય છે આ ભયંકર નુકસાન, હેડકીથી શરૂઆત

• નવજાત શિશુઓને ગલગલિયાં કરતાં પહેલા ચેતજો
• વધુ પડતી ગલીપચીને લીધે પહોંચી શકે છે શરીરને નુક્સાન
• આંતરિક ઈજાઓ સહિત આવી શકે છે ગંભીર સમસ્યાઓ

આપણે સૌ શિશુઓને ખુશ કરવા માટે તેમને ગલગલિયાં કરીએ છીએ. તમે પણ કદાચ ક્યારેક કોઈ નવજાત શિશુને હસાવવા માટે ગલગલિયાં કર્યાં હશે પરંતુ શું તમે જાણો છો કે તમે આવું કરીને બાળકને નુક્સાન પહોંચાડી રહ્યાં છો?  અમેરિકાની યૂનિવર્સિટીમાં કરવામાં આવેલ રિસર્ચમાં કહેવાયું છે કે અત્યારસુધીમાં એવા કિસ્સાઓ સામે આવ્યાં છે જેમાં ગલીપચીને લીધે બાળકનું મોત થયું હોય.

ગલીપચીને લીધે બાળકનું મોત થવાના કિસ્સાઓ
ગલગલિયાં 2 પ્રકારનાં હોય છે. એક નિસમેસિસ અને બીજું ગાર્ગાલેસિસ. નિસમેસિસ ગલીપચી કોઈ વ્યક્તિને સામાન્ય સ્પર્શથી થાય છે. તેમાં તમને ખાસ હસવું આવતું નથી. જ્યારે ગાર્ગાલેસિસમાં વ્યક્તિ જોર-જોરથી હસે છે.અમેરિકાની યૂનિવર્સિટી ઓફ કેલિફોર્નિયાની એક રિસર્ચમાં કહેવામાં આવ્યું છે કે શિશુને ગલગલીયા કરવાથી તેને દુ:ખાવો અનુભવાય છે. અત્યારસુધીમાં એવા પણ કિસ્સાઓ સામે આવ્યાં છે જેમાં ગલીપચીને લીધે બાળકનું મોત થયું હોય.

છાતી અને પેટમાં થાય છે પીડા
શિશુઓને સામાન્ય ગલીપચી નુક્સાનકારક નથી પરંતુ જો તમે વારંવાર અને સતત ગલીપચી કરો તો તેનાથી તેના શરીરને નુક્સાન પહોંચે છે. તેને છાતી અને પેટમાં દુ:ખાવો ઊપડી શકે છે. જો કે બાળક નાનાં હોવાથી તેઓ પોતાની પીડા તમને જણાવી શકતાં નથી.

હેડકી આવી શકે છે
જો શિશુને ઘણીવાર સુધી ગલગલિયાં કરવામાં આવે તો તેમને હેડકી પણ આવી શકે છે જેના કારણે તેઓ ચિડાઈને રડવા લાગે છે. ગલીપચીનાં લીધે તેમના અંગો પર જોરથી ઝટકો લાગે છે જેના લીધે તેમનાં આંતરિક અંગોમાં ઈજા થઈ શકે છે. પેરેન્ટ્સે આ બાબતોનું ધ્યાન રાખવું જોઈએ.