ક્રિકેટ / ઈંગ્લેન્ડ સામેની વન-ડે સીરિઝમાં ભારતના આ 2 ધમાકેદાર બેટ્સમેન બહાર, સુંદર પણ નહીં રમે

• ઈન્ડિયા વનડે અને ટી-20 ફોર્મેટમાં પણ મહેમાન ટીમ સાથે બાથ ભીડશે
• ભારતની ટીમમાં 3 મોટા ખેલાડીઓ નહીં રમે
• બધી મેચો પુણેમાં રમાશે

ટી-20 સિરીઝ માટે ભારતીય ટીમની જાહેરાત કરી દીધી છે

ઈંગ્લેન્ડની સામે ટેસ્ટ સિરીઝ બાદ ટીમ ઈન્ડિયાને વનડે અને ટી-20 ફોર્મેટમાં પણ મહેમાન ટીમ સાથે બાથ ભીડવી પડશે. ભારતીય ટીમ સિલેક્ટર્સે ટી-20 સિરીઝ માટે ભારતીય ટીમની જાહેરાત કરી દીધી છે ત્યારે ખબર આવી છે કે ભારતની ટીમમાં 3 મોટા ખેલાડીઓ નહીં રમે. એક માહિતી અનુસાર વાઇસ કેપ્ટન રોહિત શર્મા, વિકેટકીપર રિષભ પંત અને ઓલરાઉન્ડર વોશિંગ્ટન સુંદરને વનડે સિરીઝમાં આરામ આપવામાં આવ્યો છે.

23 માર્ચે વનડે સિરીઝ શરુ થશે

ભારત અને ઈંગ્લેન્ડ વચ્ચે 23 માર્ચે વનડે સિરીઝ શરુ થશે. આ બધી મેચો પુણેમાં રમાશે. પુણેમાં કોરોના વાયરસનાં વધી રહેલા કેસોને લીધે વનડે સિરીઝ ખાલી સ્ટેડિયમમાં રમાડવાનો નિર્ણય લેવાયો છે. પણ હવે તે મેચોમાં રોહિત, રિષભ અને વોશિંગ્ટનને ટીવી પર પણ નહીં જોઈ શકાય.

વનડે સિરીઝમાં આરામ આપવામાં આવ્યો છે

એક માહિતી મુજબ રોહત, રિષભ અને વોશિંગ્ટનને વનડે સિરીઝમાં આરામ આપવામાં આવ્યો છે. આ ખેલાડીઓ ગત આઈપીએલથી સતત ક્રિકેટ રમી રહ્યાં છે. આ ખેલાડીઓ ઓસ્ટ્રેલિયા ટૂર બાદ ઈંગ્લેન્ડની વિરુદ્ધની ચાર ટેસ્ટ મેચોની સિરીઝમાં પણ રમ્યા છે અને આગામી પાંચ ટી-20 સિરીઝ પણ રમશે. આટલા સમયથી બાયો બબલમાં રહેવું માનસિક રીતે થકાડી દે તેવુ હોય છે. પછી એપ્રિલમાં આઈપીએલ 2021 પણ શરુ થવા જઈ રહ્યું છે જેથી આ પ્લેયર્સને આરામ આપવામાં આવી રહ્યો છે. 

ઈંગ્લેન્ડ સામે ટી-20માં ભારતની ટીમ

વિરાટ કોહલી(કેપ્ટન), રોહિત શર્મા, કેએલ રાહુલ, શિખર ધવન, શ્રેયસ ઐયર, સૂર્યકુમાર યાદવ, હાર્દિક પંડ્યા, રિષભ પંત, ઇશાન કિશન, યુઝવેન્દ્ર ચહલ, વરુણ ચક્રવર્તી, અક્ષર પટેલ, વોશિંગ્ટન સુંદર, રાહુલ તેવટીયા, ટી નટરાજન, ભુવનેશ્વર કુમાર, દીપક ચાહર, નવદીપ સૈની અને શાર્દુલ ઠાકુર