તમારા કામનું / કારના આ સેફ્ટી ફીચરથી જીવનું જોખમ, સમજી વિચારીને ઉપયોગ કરજો

કારના શોખીન લોકો હવે પોતાની કારના સેફટી માટે સેન્ટ્રલ લોકિંગ સિસ્ટમ લગાવે છે. આ ફીચર આમ તો વાહન માટે ફાયદાકારક હોય છે. રિમોટથી ચાલતા આ સેન્ટ્રલ લોકની સારી વાત એ છે કે જો કારના દરવાજા બંધ છે, પણ કારને લોક કરવાનું ભૂલી ગયા છો, તો કાર એક નિશ્ચિત સમય પછી ઓટોમેટિક લોક થઈ જાય છે. પરંતુ આ ફીચર જેટલું સેફ છે એટલું જ ખતરનાક પણ સાબિત થઈ રહ્યું છે. તાજેતરમાં સામે આવેલા કેટલાક કિસ્સાઓમાં સેન્ટ્રલ લોકિંગ સિસ્ટમ લોકોના જીવ જવાનું કારણ બની રહ્યું છે. જેથી તમારે આ ફીચરનો ઉપયોગ કરતા પહેલા કેટલીક સાવધાની રાખવી જોઈએ.

શું છે સેન્ટ્રલ લોકિંગ સિસ્ટમ?

વાહનની સુરક્ષા માટે આ લોક સિસ્ટમ ફીચર મહત્ત્વનું માનવામાં આવે છે. આનાથી જો ડ્રાઈવરનો દરવાજો લોક થયા તો બધા જ દરવાજા એક સાથે જ લોક થઈ જાય છે. આ સિસ્ટમ કારના દરવાજાને અજાણતામાં ખુલ્લા રહી જવાથી રોકે છે. આ સુવિધા હવે દરેક મોડલની કારમાં સ્ટાન્ડર્ડ ફીચર તરીકે આપવામાં આવે છે. તમામ મોડલમાં રિમોટ સેન્ટ્રલ લોકની સુવિધા મળે છે.

જીવલેણ બની શકે છે આ સિસ્ટમ 

તાજેતરમાં સામે આવેલા કેટલાક એક્સિડેન્ટના કેસમાં સેન્ટ્રલ લોકિંગ સિસ્ટમને લોકોના મૃત્યુ માટે જવાબદાર ગણવામાં આવ્યું છે. જ્યારે એક્સિડેન્ટ થાય છે ત્યારે સેન્ટ્રલ લોક થઈ જતા વાહનના દરવાજા સમયસર ખુલતા નથી, જેના કારણે કારમાં સવાર દરેક વ્યક્તિઓ મૃત્યુ પામ્યા. 

એમ તો આ સિસ્ટમમાં કારના બધા જ દરવાજા એક સાથે ઓટો લોક થઈ જાય છે, પણ આ દરવાજાને અલગ-અલગ પણ ખોલી કે બંધ કરી શકાય છે. પણ ઘણીવાર ઈમરજન્સીમાં આ લોક ખુલી શકતું નથી. ત્યારે લોકોને થાય છે કે જો મેન્યુઅલ લોક હોત તો ઈમરજન્સીમાં દરવાજો ખોલી શકાત. આમ તો, આ ફીચર આપણી સેફ્ટી માટે અપાયો છે પરંતુ કેટલીકવાર આપણી ભૂલોને કારણે આપણા માટે તે ફીચર ખતરનાક સાબિત થતું હોય છે. જેથી તમારે આ ફીચરનો ઉપયોગ કરતી વખતે કેટલીક બાબતો ધ્યાનમાં લેવી જોઈએ.

વધુ વાંચો: ખોવાયેલો ફોન શોધવા માટે ખાસ નંબર છે અતિ જરૂરી, આ રીતે પરત મળી શકે મોબાઈલ

રાખો આ બાબતોનું ધ્યાન

• તમે જ્યારે કારમાંથી નીચે ઉતરો ત્યારે એકવાર કારને ચેક કરી લેવી.
• કારમાંથી ઉતરીને તેને તરત બંદ કરી લેવી, જેથી કોઈ અજાણી વ્યક્તિ શખ્સ તમારી ગાડીમાં અંદર ઘૂસીને ન બેસી જાય. 
• સેન્ટ્રલ લોકવાળી કારમાં બજર/અલાર્મ ફરજીયાત લગાવવુ, જેથી કારમાં કોઈ ગતિવિધિ થાય તો તમને તેની જાણ થઈ જાય.
• તમારે સેન્ટ્રલ લોક સિસ્ટમનું ડુપ્લિકેટ રિમોટ પણ બનાવી રાખવું, જે સમય આવ્યે જલ્દી મળી શકે તેવી જગ્યાએ રાખવું.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો