જાણવા જેવું / ખોવાયેલો ફોન શોધવા માટે ખાસ નંબર છે અતિ જરૂરી, આ રીતે પરત મળી શકે મોબાઈલ

તમારો મોબાઈલ ખોવાઈ ગયા પછી, તમારી અંગત માહિતીને સુરક્ષિત રાખવી સૌથી મોટી સમસ્યા છે. કારણ કે આ એ મોબાઈલ છે જેમાં આપણી મોટાભાગની માહિતી સેવ થાય છે અને જો કોઈ તેનો દુરુપયોગ કરે છે તો આનાથી વધુ ખરાબ શું હોઈ શકે. જો તમારી સાથે પણ આવું જ થાય છે તો કેટલાક એવા રસ્તાઓ છે જેના દ્વારા તમે તમારો ખોવાયેલ ફોન શોધી શકો છો.  જી હા ફોનમાં એક મહત્વપૂર્ણ નંબર હોય છે જેને મોબાઇલ ઇક્વિપમેન્ટ આઇડેન્ટિટી (IMEI) કહેવામાં આવે છે. આની મદદથી તમે ખોવાયેલા ફોન વિશે જાણી શકો છો. અહીં અમે તમને જણાવવા જઈ રહ્યા છીએ કે આ ખાસ નંબર જાણવા માટે શું કરવું જોઈએ.

મોબાઇલ ઇક્વિપમેન્ટ આઇડેન્ટિટી (IMEI) શું છે ?

મોબાઇલ ઇક્વિપમેન્ટ આઇડેન્ટિટી (IMEI) નંબર દરેક મોબાઇલ માટે મહત્વપૂર્ણ કોડ છે. ઉત્પાદિત તમામ મોબાઇલ માટે 15 અંકનો નંબર જારી કરવામાં આવે છે અને તેને મોબાઇલ ઇક્વિપમેન્ટ આઇડેન્ટિટી (IMEI) કહેવામાં આવે છે. ઉપકરણને આ સીરીયલ નંબર દ્વારા ઓળખવામાં આવે છે. આ નંબર પરથી ફોનના મોડલ અને નિર્માતા વિશે પણ જાણકારી મેળવી શકાય છે.

IMEI કેવી રીતે શોધવું ?

તમારા ફોનનો IMEI નંબર જાણવા માટે તમારે કેટલાક સ્ટેપ્સ ફોલો કરવા પડશે. આ નંબર શોધવાની ઘણી રીતો છે.
જો તમે તમારા મોબાઈલ પર *#06# ડાયલ કરશો તો આ જાદુઈ નંબર તમારી સામે દેખાશે. જે ફોનમાં બેટરી રીમુવ થઇ શકે તેમ હોય  એવા ફોનની પાછળ લખવામાં આવે છે
કેટલાક ફોન એવા છે જેમાં આ નંબર સિમ કાર્ડ ટ્રે પર આપવામાં આવે છે.

આ પણ વાંચોઃ વોટ્સએપ બૅન થઈ જાય તો નો ટેન્શન, ફરી ચાલુ કરવા ફોલો કરો આ સ્ટેપ્સ

આ પણ એક સરળ રસ્તો છે

IMEI નંબર શોધવાનો સૌથી સરળ રસ્તો એ છે કે ફોન જે બોક્સમાં આવ્યો હતો તેને જોવો કારણ કે દરેક બોક્સ પર IMEI નંબર લખેલો હોય છે. આ સિવાય ફોનના સેટિંગમાં પણ આ નંબર હોય છે.

તે શા માટે જરૂરી છે ?

હવે તમારા મનમાં એક વાજબી પ્રશ્ન હશે કે આની શું જરૂર છે, તો એ જાણવું જરૂરી છે કે ફોનની ચોરીના કિસ્સામાં આ નંબર ઉપયોગી થશે. ફરિયાદ કરતી વખતે આ નંબર માંગી શકાય છે. આ રાખવાથી ફોન શોધવાની શક્યતા વધી જાય છે. આ સિવાય ફોનને બ્લોક પણ કરી શકાય છે. છેલ્લે, ફોનની વોરંટી જાણવા માટે IMEI નંબર પણ ખૂબ જ મહત્વપૂર્ણ છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો