- રવિના ટંડન સોશિયલ મીડિયા પર પણ ઘણી એક્ટિવ રહે છે
- રવિના ટંડન સાથે તેની પુત્રી રાશા પણ જોવા મળી હતી
- રાશાનો એક વીડિયો હાલ સોશિયલ મીડિયા પર વાયરલ
રવિના ટંડન બોલીવુડની એક જાણીતી અભિનેત્રી છે. એક સમયે બૉલીવુડ પર રાજ કરનારી અભિનેત્રીએ પોતાના ફિલ્મી કરિયરમાં અઢળક હિટ ફિલ્મો આપી છે. રવીનાએ ફિલ્મ 'પથ્થર કે ફૂલ'થી બૉલીવુડમાં ફિલ્મી સફરની શરૂઆત કરી હતી. એ પછી રવીનાએ 'વિજેતા', 'લાડલા', 'આંટી નંબર વન', 'એક હિન્દુસ્તાની', 'દિલવાલે', 'રક્ષક', 'ઈન્સાનિયત', 'બોમવે વેલ્વેટ', '2 ચહેરે' જેવી અઢળક ફિલ્મોમાં કામ કર્યું છે. જો કે છેલ્લા ઘણા સમયથી રવિના મોટા પડદાથી દૂર છે પણ તે OTT પર ડેબ્યૂ કરી ચૂકી છે.
જો કે રવિના સોશિયલ મીડિયા પર પણ ઘણી એક્ટિવ રહે છે. એવામાં હાલ જ ગણેશ ઉત્સવ પર લગભગ તમામ બૉલીવુડ સ્ટાર્સે બાપ્પાનું જોરદાર ધામધૂમથી સ્વાગત કર્યું છે. આ ગણેશ ઉત્સવ પર રવિના ટંડન તેની દીકરી સાથે શિલ્પા શેટ્ટીના ઘર પર ગણેશોત્સવ માનવતા નજર આવી હતી. રવિના ટંડન સાથે તેની પુત્રી રાશા પણ જોવા મળી હતી. રાશાને ઓરેન્જ કલરના સૂટમાં જોઈને લોકો અચંબિત થઈ ગયા હતા. રાશાની સુંદરતા અને સાદગીએ ચાહકોનું દિલ જીતી લીધું છે. તેનો એક વીડિયો હાલ સોશિયલ મીડિયા પર વાયરલ થઈ રહ્યો છે.
આ વીડિયો જોઈને એક ફેને કમેન્ટ કરી કે આ તારા સુતારિયા છે, વિશ્વાસ નથી થતો, બંને એકસરખા જ દેખાઈ રહ્યા છે, જ્યારે બીજાએ કહ્યું કે તમે કેટલા સુંદર છો. તમને જણાવી દઈએ કે હવે ફેન્સ રાશાને જલ્દી ફિલ્મોમાં જોવા માંગે છે. જો કે રાશા માત્ર 17 વર્ષની છે પરંતુ તેની સુંદરતા અને તેની સ્ટાઈલ જોઈને લોકો તેના દિવાના થઈ ગયા છે.
