ક્રિકેટ / વેસ્ટ ઇન્ડિઝ વનડે સિરીઝમાં 8 મુખ્ય પ્લેયર્સ થશે બહાર, સામે આવ્યું આ કારણ

આઈસીસી વનડે વર્લ્ડ કપ 2027 માટે ભારતીય ક્રિકેટ ટીમની તૈયારીઓ પૂરજોશમાં ચાલી રહી છે. આ ટૂર્નામેન્ટ પહેલાં ટીમ ઇન્ડિયા સતત વનડે સિરીઝ રમી રહી છે. તાજેતરમાં ઇંગ્લેન્ડ સામે ત્રણ મેચની સિરીઝ પૂરી થઈ છે. હવે સપ્ટેમ્બરમાં વેસ્ટ ઇન્ડિઝ સામે ઘરઆંગણે વનડે સિરીઝ રમવાની છે પરંતુ તે પહેલાં એક મોટી અડચણ સામે આવી છે.

વેસ્ટ ઇન્ડિઝ સામેની ત્રણ વનડે મેચની સિરીઝ શરૂ થાય ત્યારે જ એશિયન ગેમ્સ પણ શરૂ થઈ રહી છે. આ એશિયન ગેમ્સમાં ભારતીય ટીમના અનેક મહત્વના ખેલાડીઓ હિસ્સો લેશે. આથી આશરે 8 મુખ્ય પ્લેયર્સ  વેસ્ટ ઇન્ડિઝ સામેની વનડે સિરીઝમાં રમી શકશે નહીં.

• કયા પ્લેયર્સ રહેશે બહાર?
  એશિયન ગેમ્સ માટે BCCIએ મજબૂત ટીમ પસંદ કરી છે. આ ટીમમાં શ્રેયસ અય્યર, જસપ્રીત બુમરાહ અને અર્શદીપ સિંહ જેવા સ્ટાર પ્લેયર્સ  સામેલ છે. એશિયન ગેમ્સ 24 સપ્ટેમ્બરથી શરૂ થઈને 1 ઓક્ટોબર સુધી ચાલશે, જ્યારે ભારત અને વેસ્ટ ઇન્ડિઝ વચ્ચે 27 સપ્ટેમ્બરથી 3 ઓક્ટોબર સુધી ત્રણ વનડે મેચોની સિરીઝ રમાશે.
  

એશિયન ગેમ્સની ટીમમાં શ્રેયસ અય્યર (કેપ્ટન), સંજુ સેમસન, અભિષેક શર્મા, ઈશાન કિશન, અક્ષર પટેલ, વોશિંગ્ટન સુંદર, નીતીશ કુમાર રેડ્ડી, હર્ષિત રાણા, અર્શદીપ સિંહ, જસપ્રીત બુમરાહ વગેરે સામેલ છે. આ તમામ પ્લેયર્સ  વનડે ટીમના મહત્વના સભ્ય છે, આથી તેઓ વેસ્ટ ઇન્ડિઝ સિરીઝમાં હિસ્સો લઈ શકશે નહીં.

વધુ વાંચો : રોહિત શર્માના વર્લ્ડકપ રમવા પર BCCIનો મોટો દાવો, આપી નિવૃત્તિ પર અપડેટ

• એશિયન ગેમ્સ માટે ભારતીય ટીમ
  શ્રેયસ અય્યર (કેપ્ટન), સંજુ સેમસન (વિકેટકીપર), અભિષેક શર્મા, ઈશાન કિશન (વિકેટકીપર), શિવમ દુબે, તિલક વર્મા (વાઇસ કેપ્ટન), અક્ષર પટેલ, વોશિંગ્ટન સુંદર, નીતીશ કુમાર રેડ્ડી, વરુણ ચક્રવર્તી, રવિ બિશ્નોઈ, હર્ષિત રાણા, અર્શદીપ સિંહ, વૈભવ સૂર્યવંશી, જસપ્રીત બુમરાહ.
  

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ