બ્રેકિંગ ન્યુઝ
બ્રેકિંગ ન્યુઝ
VTV / બિઝનેસ / સોના-ચાંદીના ભાવમાં મોટો ઉલટફેર: શરૂઆતી ઘટાડા બાદ 2 કલાકમાં જ ચાંદી ચમકી, જાણો આજના ભાવ
5 ફોટો ગેલેરી
Last Updated: 06:06 PM, 24 July 2026
FOLLOW ON
શેર કરો
1/5
સોના અને ચાંદીના દામમાં છેલ્લા કેટલાક દિવસોથી આવી રહેલા સતત ફેરફારોએ સામાન્ય રોકાણકારો અને ગ્રાહકોને મૂંઝવણમાં મૂકી દીધા છે. આંતરરાષ્ટ્રીય અને સ્થાનિક બજાર બંને જગ્યાએ કિંમતોમાં ક્યારેક તેજી તો ક્યારેક કડાકો જોવા મળી રહ્યો છે. ચાલુ સપ્તાહમાં મજબૂત વધારા પછી ગુરુવારે કિંમતોમાં મોટો ઘટાડો નોંધાયો હતો. શુક્રવારે 24 જુલાઈના રોજ પણ મલ્ટી કોમોડિટી એક્સચેન્જ (MCX) પર સોના-ચાંદીની શરૂઆત ઘટાડા સાથે થઈ હતી, પરંતુ બપોર સુધીમાં બજારનો મિઝાજ બદલાયેલો જોવા મળ્યો હતો. શુક્રવારની સવારે MCX પર સોનું અને ચાંદી બંને 0.6% ના ઘટાડા સાથે ખુલ્યા હતા. જોકે, બપોરે 12 વાગ્યા સુધીમાં ચાંદીના ભાવમાં સુધારો થયો હતો, જ્યારે સોનું લાલ નિશાનમાં જ ટ્રેડ થતું જોવા મળ્યું હતું.
આ તસવીર શેર કરો
2/5
મલ્ટી કોમોડિટી એક્સચેન્જ (MCX) પર 5 ઓગસ્ટ 2026 ની ડિલિવરી વાળા સોનાનો ભાવ અગાઉના 1,42,821 રૂપિયા પ્રતિ 10 ગ્રામના બંધ સામે 1,42,392 રૂપિયા પ્રતિ 10 ગ્રામ પર ખુલ્યો હતો. સવારે 11 વાગ્યા સુધીમાં તે 870 રૂપિયા અથવા 0.61% ની નબળાઈ સાથે 1,41,951 રૂપિયા પ્રતિ 10 ગ્રામ પર પહોંચી ગયો હતો. ત્યાં સુધીના કારોબારમાં સોનાએ 1,41,742 રૂપિયાનો નીચલો સ્તર અને 1,42,393 રૂપિયાનો ઉપલો સ્તર સ્પર્શ્યો હતો. બપોરે 12 વાગ્યે સોનાના ભાવમાં સામાન્ય સુધારો આવ્યો હતો પણ તે લીલા નિશાનમાં આવી શક્યું નહોતું. 5 ઓગસ્ટની ડિલિવરી વાળું સોનું 0.35% અથવા 502 રૂપિયાના ઘટાડા સાથે 1,42,319 રૂપિયા પ્રતિ 10 ગ્રામ પર ટ્રેડ થઈ રહ્યું હતું.
આ તસવીર શેર કરો
3/5
સોનાની જેમ જ સવારે ચાંદીના દામમાં પણ નબળાઈ જોવા મળી હતી. MCX પર 4 સપ્ટેમ્બર 2026 નો ચાંદીનો વાયદો અગાઉના 2,19,375 રૂપિયા પ્રતિ કિલોના બંધ સામે 2,18,280 રૂપિયા પ્રતિ કિલો પર ખુલ્યો હતો. સવારે 11 વાગ્યા સુધીમાં ચાંદી 884 રૂપિયા અથવા 0.40% ઘટીને 2,18,491 રૂપિયા પર પહોંચી ગઈ હતી. આ સમયગાળા દરમિયાન ચાંદીએ 2,17,325 રૂપિયાનો નીચલો સ્તર અને 2,18,884 રૂપિયાનો ઉપલો સ્તર નોંધાવ્યો હતો. જોકે, બપોરે 12 વાગતા સુધીમાં ચાંદીની ચાલે વળાંક લીધો હતો. MCX પર 4 સપ્ટેમ્બરની ડિલિવરી વાળી ચાંદી 0.24% અથવા 533 રૂપિયા વધીને 2,19,908 રૂપિયા પ્રતિ કિલોના ભાવે પહોંચી ગઈ હતી.
આ તસવીર શેર કરો
4/5
આંતરરાષ્ટ્રીય બજાર કોમેક્સ (COMEX) પર પણ સોનું અને ચાંદી દબાણમાં જોવા મળ્યા હતા. સોનું 0.48% ના ઘટાડા સાથે 4,030 ડોલર પ્રતિ ઓંસ અને ચાંદી 0.41% ની નબળાઈ સાથે 57.80 ડોલર પ્રતિ ઓંસ પર ટ્રેડ થઈ રહી હતી. કિંમતી ધાતુઓમાં નબળાઈનું મુખ્ય કારણ અમેરિકી ડોલર ઈન્ડેક્સ (Dollar Index) ની મજબૂતી છે, જે યુએસ અને ઈરાન વચ્ચે વધી રહેલા સૈન્ય તણાવને કારણે ફરીથી 101 ના સ્તરને પાર કરી ગયો છે.
આ તસવીર શેર કરો
5/5
અમેરિકા અને ઈરાન વચ્ચે સંઘર્ષ સતત વધી રહ્યો છે. ઈરાન મધ્ય પૂર્વમાં આવેલા અમેરિકી સૈન્ય મથકોને નિશાન બનાવી રહ્યું છે, જ્યારે અમેરિકા સતત ઈરાનના સૈન્ય મથકો પર હુમલા કરી રહ્યું છે જેથી હોર્મુઝની સામુદ્રધુની (Strait of Hormuz) પર નિયંત્રણ કરવાની તેની ક્ષમતા ઘટી જાય.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
