બ્રેકિંગ ન્યુઝ
બ્રેકિંગ ન્યુઝ
VTV / લાઈફસ્ટાઈલ / તમારા કામનું / ITR ફાઈલિંગ માટે 31 જુલાઈની ડેડલાઈન નજીક: મોડું કરશો તો લાગશે ₹5,000 સુધીની લેટ ફી અને 200% સુધીનો દંડ!
8 ફોટો ગેલેરી
Last Updated: 06:18 PM, 24 July 2026
FOLLOW ON
શેર કરો
1/8
અસેસમેન્ટ ઈયર 2026-27 માટે ઈનકમ ટેક્સ રિટર્ન (ITR) ફાઈલ કરવાની 31 જુલાઈની અંતિમ તારીખ ખૂબ જ નજીક આવી રહી છે. જો તમે હજુ સુધી તમારું આઈટીઆર ફાઈલ કરીને તેને ઈ-વેરિફાઈ નથી કર્યું, તો આ કામ તરત જ પૂરું કરી લેવું જરૂરી છે. ટેક્સ ફાઈલિંગમાં કોઈ પણ પ્રકારનો વિલંબ, ભૂલ કે ખોટી માહિતી આપવાથી તમારા પર વધારાની પેનાલ્ટી, વ્યાજ અને લેટ ફીનો બોજ પડી શકે છે. ટેક્સ ઓથોરિટી દ્વારા આઈટીઆર ફાઈલિંગમાં થતી જુદી જુદી ભૂલો માટે કડક નિયમો અને દંડની જોગવાઈ કરવામાં આવી છે.
આ તસવીર શેર કરો
2/8
સેક્શન 234F હેઠળ લેટ ફી: જો નિયત તારીખ એટલે કે 31 જુલાઈ પછી રિટર્ન ભરવામાં આવે તો સેક્શન 234F હેઠળ 5,000 રૂપિયા સુધીની લેટ ફી લાગી શકે છે. જોકે, જો કરદાતાની વાર્ષિક કુલ આવક 5 લાખ રૂપિયાથી વધુ ન હોય, તો આ લેટ ફી 1,000 રૂપિયા રહેશે.
આ તસવીર શેર કરો
3/8
સેક્શન 234-I હેઠળ રિવાઈઝ્ડ રિટર્ન ભરવામાં મોડું કરવા બદલ આવકના હિસાબે 1,000 રૂપિયા અથવા 5,000 રૂપિયાનો ચાર્જ લાગી શકે છે.
આ તસવીર શેર કરો
4/8
જો કોઈ ટેક્સપેયર આવક ઓછી દર્શાવે છે અથવા ખોટી રિપોર્ટિંગ કરે છે, તો સેક્શન 270A હેઠળ બનતા ટેક્સના 50% થી લઈને 200% સુધીનો ભારે દંડ થઈ શકે છે.
આ તસવીર શેર કરો
5/8
નિયમોનું ઉલ્લંઘન કરીને 2 લાખ રૂપિયા કે તેથી વધુની રોકડ રકમ સ્વીકારવા પર સેક્શન 269ST અને 271DA હેઠળ લેવામાં આવેલી કુલ રકમ જેટલી જ પૂરેપૂરી પેનાલ્ટી ફટકારવામાં આવે છે.
આ તસવીર શેર કરો
6/8
સેક્શન 140A અને 221 હેઠળ જો તમે બાકી નીકળતો ટેક્સ સમયસર નથી ચૂકવતા, તો બાકી ટેક્સની રકમ જેટલી જ પેનાલ્ટી લગાવી શકાય છે.
આ તસવીર શેર કરો
7/8
ડેડલાઈન પૂર્ણ થવામાં હવે ગણતરીના દિવસો જ બાકી રહ્યા છે. આવી સ્થિતિમાં તમામ કરદાતાઓ માટે વહેલી તકે રિટર્ન દાખલ કરી લેવું હિતાવહ છે. સમયસર રિટર્ન ભરવાથી છેલ્લી ઘડીએ આવતી તકનીકી અડચણો, ઈનકમ ટેક્સની નોટિસ, સ્ક્રુટિની અને બિનજરૂરી માનસિક તણાવથી બચી શકાય છે. આ ઉપરાંત સમયસર ફાઈલિંગ કરવાથી ફોર્મની પુનઃચકાસણી કરવાનો પણ મોકો મળે છે, જેથી અજાણતા થયેલી ભૂલો સુધારી શકાય. ડેડલાઈન ચૂકી ગયા પછી ટેક્સ ડિપાર્ટમેન્ટ તરફથી કડક તપાસ, રિફંડ મેળવવામાં વિલંબ અને અન્ય મુશ્કેલીઓ ઊભી થઈ શકે છે.
આ તસવીર શેર કરો
8/8
ઈનકમ ટેક્સ ડિપાર્ટમેન્ટે પોતાના ઓફિશિયલ સોશિયલ મીડિયા હેન્ડલ પર પોસ્ટ શેર કરીને ટેક્સપેયર્સને અંતિમ તારીખ પહેલાં કામ પૂર્ણ કરવા સલાહ આપી છે. વિભાગે જણાવ્યું છે કે અસેસમેન્ટ ઈયર 2026-27 માટે અત્યાર સુધીમાં 3 કરોડથી વધુ ITR ફાઈલ થઈ ચૂક્યા છે. આમાંથી 15 લાખથી વધુ ITR તો માત્ર એક જ દિવસમાં ભરાયા છે. વિભાગે લોકોને અપીલ કરી છે કે તેઓ છેલ્લી તારીખની રાહ જોયા વિના સમયસર અને સાચું રિટર્ન ફાઈલ કરે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
