બ્રેકિંગ ન્યુઝ
બ્રેકિંગ ન્યુઝ
6 ફોટો ગેલેરી
Last Updated: 05:47 PM, 24 July 2026
FOLLOW ON
શેર કરો
1/6
હિંદુ ધર્મમાં અષાઢ માસના શુક્લ પક્ષની એકાદશીથી શરૂ થતું ગૌરી વ્રત ખૂબ જ મહત્વનું માનવામાં આવે છે. આ વ્રત આષાઢી પૂર્ણિમા સુધી રાખવામાં આવે છે. શ્રાવણ માસ શરૂ થવાના થોડા દિવસ પહેલાં જ માતા પાર્વતી (ગૌરી)ના આશીર્વાદ મેળવવા માટે આ વ્રત રાખવામાં આવે છે. ગુજરાતમાં આ વ્રતને ‘મોડાકત વ્રત’ તરીકે પણ ઓળખવામાં આવે છે.
આ તસવીર શેર કરો
2/6
પંચાંગ અનુસાર વર્ષ 2026માં આ વ્રતની શરૂઆત 25 જુલાઈ 2026 શનિવારે આષાઢ શુંક્લ એકાદશીથી થશે અને વ્રત 29 જુલાઈ 2026ના દિવસે ગુરુ પૂર્ણિમાના દિવસે પૂર્ણ થશે. આ પાંચ દિવસીય વ્રત સુખ-સૌભાગ્ય અને મનોકામના પૂર્ણ કરવા માટે રાખવામાં આવે છે. આ વ્રતના પ્રથમ દિવસે બ્રહ્મ મુહૂર્ત સવારે 04:16 થી 04:57 અને અભિજિત મુહૂર્ત બપોરે 12:00 થી 12:55 સુધી રહેશે.
આ તસવીર શેર કરો
3/6
આ વ્રતના પ્રથમ દિવસે કુંવારી કન્યાઓ અને સુહાગન સ્ત્રીઓ સ્નાન-ધ્યાન કરીને વ્રતનો સંકલ્પ લે છે. ત્યારબાદ પવિત્ર માટીથી માતા ગૌરીની મૂર્તિ બનાવવામાં આવે છે. જેમાં એક માટીના વાસણમાં ઘઉંના દાણા વાવીને જવારા તૈયાર કરવામાં આવે છે અને રોજ માતા ગૌરી સાથે તેની પણ પૂજા કરવામાં આવે છે.
આ તસવીર શેર કરો
4/6
યુવતીઓ રૂઈની માળા બનાવીને તેને સિંદૂરથી સજાવે છે. પૂજામાં માતા પાર્વતી સાથે ભગવાન શિવ અને ભગવાન ગણેશની પણ પૂજા કરવામાં આવે છે. સવાર-સાંજ પૂજા અને આરતીની સાથે અમુક સ્થળોએ વ્રતના અંતિમ દિવસે રાત્રિ જાગરણની પરંપરા પણ છે. આ વ્રતના પારણા અંતિમ દિવસે વિધિ અનુસાર કરવામાં આવે છે. આ વ્રતમાં મીઠું અને ટામેટાનું સેવન ટાળવું જોઈએ. માતા ગૌરીને ઝડપથી પ્રસન્ન કરવા માટે ‘ॐ देवी महागौर्यै नमः’ મંત્રનો જાપ કરવો.
આ તસવીર શેર કરો
5/6
આ વ્રત ગુજરાત અને પશ્ચિમી રાજ્યોમાં કુંવારી કન્યાઓ દ્વારા મનપસંદ જીવનસાથી પ્રાપ્ત કરવાની કામનાથી રાખવામાં આવે છે. જેમાં એવી માન્યતા છે કે આ વ્રતથી કન્યાઓને મહાદેવ જેવા સુયોગ્ય, સંસ્કારી અને ગુણવાન પતિ પ્રાપ્ત થાય છે. સુહાગન સ્ત્રીઓ પણ સુખી વૈવાહિક જીવન અને પરિવારના કલ્યાણ માટે આ વ્રત રાખે છે.
આ તસવીર શેર કરો
6/6
ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી vtvgujarati.com નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
