વલસાડમાં નારગોલ પોલીસ સ્ટેશનમાં એક લૂંટના આરોપીએ ગળે ફાંસો ખાઈને મોતને વ્હાલું કરી લીધું. આરોપીએ ગળે ફાંસો ખાઈને મોતને વ્હાલું કર્યું હોવાનું સામે આવ્યું છે.
લૂંટના આરોપીનો પોલીસ સ્ટેશનમાં આપઘાત
ગળેફાંસો ખાઈને કર્યુ મોતને વ્હાલું
બાથરૂમમાં પેન્ટ સાથે લટકીને કરી આત્મહત્યા
વલસાડમાં નારગોલ મરીન પોલીસ સ્ટેશનમાં એક ચોંકવાનારો બનાવ સામે આવ્યો છે. સાંભળીને આપને નવાઈ લાગશે અહીયા એક લૂંટના આરોપીએજ ગળે ફાંસો ખાઈને મોતને વ્હાલું કરી લીધું છે. જેના કારણે પોલીસ પણ દોડતી થઈ ગઈ છે. આરોપીએ બાથરૂમમાં જઈને આપઘાત કર્યો હોવાનું સામે આવ્યું છે.
આરોપી મહારાષ્ટ્રથી આવ્યો હતો
ઘટનાની જાણ થતા પોલીસનો કાફલો સ્થળ પર દોડી આવ્યો હતો. જ્યા તેમણે સમગ્ર મામલે કાર્યવાહી આરંભી હતી. થોડાક દિવસો પહેલા વલસાડ LCB તેમજ મરીન પોલીસને બાતમી મળી હતી કે અમુક આરોપીઓ મહારાષ્ટ્રથી લૂંટ કરવા આવવાના છે. જે બાતમીને આધારે પોલીસે મૃતક આરોપીની તે સમયે ધરપકડ કરી હતી.
પેન્ટ વડે ગળે ફાંસો ખાધો
મૃતક આરોપીએ જે પેન્ટ પહેર્યુ હતું તેજ પેન્ટ વડે તેણે ગળેફાંસો ખાઈને મોતને વ્હાલું કરી લીધું હોવાની માહિતી સામે આવી છે. આરોપી જોડે અન્ય લોકો પણ સંડોવાયેલા હતા. જેમની પોલીસ તપાસ કરી રહી હતી. પરંતુ તે પહેલાજ ધરપકડ થયેલ આરોપીએ આપઘાત કરી લીધો છે. જેના કારણે પોલીસ પણ મુંઝવણમાં મુકાઈ ગઈ છે.
અગાઉ બે આરોપીઓના શંકાસ્પદ મોત
અગાઉ નવસારીના પોલીસ સ્ટેશનમાં પણ બે આરોપીઓના શંકાસ્પદ મોત થયા હતા. ત્યારે વધુંમાં વલસાડમાં ફરી એક આરોપીએ પોલીસ સ્ટેશનમાંજ ગળે ફાંસો ખાઈને મોતને વ્હાલું કરી લીધું જેના કારણે પોલીસ દોડતી થઈ ગઈ છે.
ઉચ્ચ પોલીસ અધિકારીઓ પણ સ્થળે દોડી આવ્યા
ઉલ્લેખનીય છે કે ઘટનાની જાણ થતા ઉચ્ચ પોલીસ અધિકારીઓનો કાફલો સ્થળ પર દોડી આવ્યો હતો. સાથેજ મામલતદાર સહિતના અધિકારીઓ પણ પોલીસ સ્ટેશનમાં જોડી આવ્યા હતા. જ્યા તેમણે કાયદેસરની કાર્યવાહી કરી હતી.