ક્રિકેટ / ક્રિકેટમાં ખરાબ પ્રદર્શનના કારણે આ દેશના ક્રિકેટ બોર્ડે કાપી લીધી ખેલાડીઓની સેલેરી

• બાંગ્લાદેશ ક્રિકેટ બોર્ડ (બીસીબી)એ પોતાના ખેલાડીઓના પ્રદર્શનને જોઈ કડક નિર્ણય કર્યો
• નિયમના કારણે હવે બીસીસીએ ખેલાડીઓની સેલરી કાપી લેવાનો નિર્ણય કર્યો છે

અસલમાં બીસીબીએ ક્રિકેટ પ્રત્યે ખેલાડીઓનું સમર્પણ વધારવા માટે પ્રતિમેચના આધાર પર મહેનતાણાનો માપદંડ અપનાવ્યો છે. આ માપદંડના આધારે જો ખેલાડી સારું પ્રદર્શન કરે તો તેનું વેતન વધારી દેવામાં આવે છે અને ખેલાડીઓ ખરાબ પ્રદર્શન કરે તો તેમનું વેતન ઘટાડી દેવામાં આવે છે. સૌથી આશ્ચર્યની વાત તો એ છે કે ખેલાડીઓએ આ સમજૂતી પર હસ્તાક્ષર કરવાની મંજૂરી પણ આપી દીધી છે. આ જ નિયમના કારણે હવે બીસીસીએ ખેલાડીઓની સેલરી કાપી લેવાનો નિર્ણય કર્યો છે.

૨૦૧૭ પહેલાં આયોજિત પ્રત્યેક ટેસ્ટ માટે આઠ પોઇન્ટ અને ૨૦૧૮-૧૯માં આયોજિત પ્રત્યેક ટેસ્ટના ૧૦ પોઇન્ટ નક્કી કરાયા છે. આ ઉપરાંત ખેલાડીના નામ પર દરેક વન ડેમાં ચાર પોઇન્ટ અને ૨૦૧૭ સુધી પ્રતિ ટી-૨૦ મેચ માટે ત્રણ પોઇન્ટ જોડવામાં આવ્યા છે. મુશ્ફિકુર પાસે સૌથી વધુ પોઇન્ટ છે, જેના ટેસ્ટ પોઇન્ટ ૫૭૪ છે અને નિર્ધારિત ઓવરની મેચના ૧૧૭૨ પોઇન્ટ છે.