ક્રિકેટ / Rishabh Pant ને લઈને સૌથી મોટા સમાચાર: આ મેચથી ટીમ ઈન્ડિયામાં થશે વાપસી, ફેન્સ થઈ જશે ખુશ

• રિષભ પંત ટીમ ઈન્ડિયામાં ક્યારે વાપસી કરશે? 
• પંત ટૂંક સમયમાં જ ક્રિકેટ પિચ પર પરત ફરી શકે છે
• આ સીરિઝથી કરશે ટીમ ઈન્ડિયામાં વાપસી 

Rishabh Pant Likely to Return: રિષભ પંત ક્યારે વાપસી કરશે? તે ક્યારે મેદાન પર ઉતરશે અને લાંબી સિક્સર ફટકારશે? આ એક એવો સવાલ છે જે કરોડો ક્રિકેટ ચાહકોના મનમાં છે.  ટીમ ઈન્ડિયાનો વિકેટ કીપર બેટ્સમેન રિષભ પંત હાલ ટીમમાં વાપસી કરવા માટે NCAમાં સખત મહેનત કરી રહ્યો છે. આ દરમિયાન સ્વતંત્રતા દિવસ પર મોટા સમાચાર આવ્યા છે. કહેવામાં આવી રહ્યું છે કે પંત ટૂંક સમયમાં જ ક્રિકેટ પિચ પર પરત ફરી શકે છે. પંત ઝડપથી ફિટ થઈ રહ્યો છે અને હવે સારી રીતે બોલનો સામનો પણ કરી રહ્યો છે.

Rishabh Pant is likely to return in the England Tests 2024. [Sports Today] pic.twitter.com/xp3uV03ReG

— Johns. (@CricCrazyJohns) August 14, 2023

આ સીરિઝથી કરશે ટીમ ઈન્ડિયામાં વાપસી 
એક રિપોર્ટ અનુસાર ટીમ ઈન્ડિયા વર્લ્ડ કપ બાદ ઈંગ્લેન્ડ સાથે ટેસ્ટ સિરીઝ રમશે. જણાવી દઈએ કે આ સીરિઝ 2024માં રમાશે. એવું માનવામાં આવે છે કે ઈંગ્લેન્ડ સાથેની ટેસ્ટ સીરીઝ સુધીમાં ઋષભ પંત સંપૂર્ણ રીતે ફિટ થઈ જશે અને ટીમ ઈન્ડિયા સાથે જોડાઈ શકે છે. એટલે કે જો પંત ઈંગ્લેન્ડ પ્રવાસ સુધી ફિટ રહેશે તો તે ટીમમાં વાપસી કરી શકે છે. એટળે કે એ અહેવાલ મુજબ પંત માટે આ વર્ષે વાપસી કરવી મુશ્કેલ છે પણ તે આવતા વર્ષની શરૂઆતમાં ટીમ ઈન્ડિયામાં પરત ફરશે. 

NCA માં સખત મહેનત
રિષભ પંત હાલમાં બેંગલુરુમાં નેશનલ ક્રિકેટ એકેડમીમાં તેની ફિટનેસ પાછી મેળવવા માટે સખત મહેનત કરી રહ્યો છે. પંત નેટ પર 140 કિમી પ્રતિ કલાકની ઝડપે આવતા બોલનો સામનો કરી રહ્યો છે. જો કે તેને અત્યારે વિકેટ કીપિંગ કરવામાં મુશ્કેલી પડી રહી છે પણ વિકેટકીપિંગ માટે તેને પ્રેક્ટિસ શરૂ કરી દીધી છે. BCCI પંતની વાપસીની ઉતાવળ કરવા માંગતી નથી.  તે પંતને સાજા થવાનો મહત્તમ સમય આપવા માંગે છે.  આ જ કારણ છે કે પંત આ વર્ષે પરત નહીં ફરે.

Reunion is always fun with the gang 💕💕😊 pic.twitter.com/brHKH8Lnvi

— Rishabh Pant (@RishabhPant17) June 26, 2023

નોંધનીય છે કે ઋષભ પંત 30 ડિસેમ્બર 2022ના રોજ રોડ અકસ્માતમાં ગંભીર રીતે ઘાયલ થયો હતો અને તેની કારમાં પણ આગ લાગી હતી. કોઈક રીતે તેનો જીવ બચી ગયો અને મુંબઈમાં તેની સર્જરી કરવામાં આવી હતી. એ બાદથી પંત ઝડપથી સ્વસ્થ થઈ રહ્યો છે.