ટેક્નોલોજી / ગ્રુપ કોલિંગને લઇ WhatsApp પર આવ્યા 3 દમદાર ફીચર્સ, જાણીને ખુશ થઇ જશો

WhatsApp New Features : તાજેતરના સમયમાં તમે માનો કે ના માનો પણ એક રીતે WhatsApp આપણા જીવનનો અભિન્ન હિસ્સો બની ચૂક્યું છે. મેસેજથી લઈને વીડિયો કોલ સુધી Meta મેટા દ્વારા માલિકી ધરાવતા આ એપ્લિકેશ WhatsAppનો ઉપયોગ લોકો વિશાળ પાયે કરે છે. આ તરફ વપરાશકર્તાઓ માટે WhatsApp અનેક વાર કોઈને કૉઈ નવી અપડેટ લાવે છે.

આ ક્રમમાં હવે WhatsAppએ વીડિયો કોલિંગ અનુભવને વધુ સારા અને ઉપયોગી બનાવવા માટે ત્રણ નવા ફીચર્સ રોલઆઉટ કર્યા છે. આ નવા ફીચર્સનો લાભ સમગ્ર વિશ્વમાં ધીમે ધીમે બધા યુઝર્સ સુધી પહોંચાડવામાં આવી રહ્યો છે.

હવે જાણીએ શું છે આ WhatsAppનાં ત્રણ નવા ફીચર્સ

• શેડ્યૂલ કોલ્સ :
• હવે યુઝર્સ WhatsAppમાં ગ્રુપ કોલ્સ માટે પહેલાંથી શેડ્યૂલ કરી શકશે. જેનો અર્થ એ થયો કે, તમે તમારા કોઈ સંપર્ક અથવા આખા ગ્રુપને પહેલા થી જ નોટિફિકેશન મોકલી શકો છો કે ક્યારે વીડિયો કોલ થવાની છે. આ ખાસ કરીને ઓનલાઇન મિટિંગ અથવા વર્ચ્યુઅલ ક્લાસ માટે ઉપયોગી બની શકે છે.
• ઇન-કોલ ઇન્ટરએક્શન ટૂલ્સ :
• આ ફીચર કોલ દરમિયાન ઇન્ટરએક્ટ કરવા માટે બનાવાયું છે. હવે યુઝર્સ વીડિયો કોલ દરમિયાન હાથ ઊંચો કરી શકે છે, જેમ કે ‘હેન્ડ રેઇઝ’ ફીચર Zoom કે Google Meetમાં હોય છે. એ સિવાય યુઝર્સ રિયલ ટાઈમ રિએક્શન પણ આપી શકે છે જે કોલ દરમિયાન વાતચીતને વિખંડિત કર્યા વિના પોતાનું પ્રતિસાદ બતાવવાનો એક સુંદર રીત છે.
• નવીન કોલ મેનેજમેન્ટ સુવિધા :
• WhatsAppએ પોતાનું કોલ ટેબ પણ અપડેટ કર્યું છે. હવે યુઝર્સને આવનારી કોલ્સ, કોણ-કોલમાં જોડાયો છે તેની સૂચિ અને શેર કરી શકાય તેવા કોલ લિંક્સનું સ્પષ્ટ વિઝ્યુઅલ જોવા મળશે. ઉપરાંત જ્યારે કોઈ યુઝર શેર કરેલા લિંક દ્વારા કોલમાં જોડાશે ત્યારે કોલરને તેનું નોટિફિકેશન પણ મળશે.

આ પણ વાંચો : 7000mAhની બેટરી સાથે લોન્ચ થઈ રહ્યો છે Redmi 15 5G, કિંમત ઓછી, ફીચર્સ મજેદાર

WhatsAppની મોટી તૈયારી

આ ત્રણેય ફીચર્સ વડે WhatsApp હવે Google Meet, Zoom અને Microsoft Teams જેવી પોપ્યુલર વીડિયો કોન્ફરન્સિંગ સર્વિસીસ સાથે સ્પર્ધા કરવા તૈયાર થઈ ગઈ છે. હવે WhatsApp માત્ર વ્યક્તિગત વાતચીત નહીં પણ પ્રોફેશનલ મિટિંગ અને વર્ચ્યુઅલ ક્લાસ માટે પણ લોકપ્રિય વિકલ્પ બની શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ