તમારા કામનું / 7000mAhની બેટરી સાથે લોન્ચ થઈ રહ્યો છે Redmi 15 5G, કિંમત ઓછી, ફીચર્સ મજેદાર

રેડમી (Redmi) આગામી મંગળવારે ભારતમાં તેની નવી Redmi 15 5G ડિવાઇસ લોન્ચ કરવા જઈ રહી છે. કંપનીએ જાહેરાત કરી છે કે આ ગ્રાન્ડ લોન્ચ ઇવેન્ટ યુટ્યુબ લાઇવ અને અન્ય સોશિયલ મીડિયા પ્લેટફોર્મ્સ પર સ્ટ્રીમ કરવામાં આવશે, જ્યાં ગ્રાહકો નવા ફોન વિશે તમામ અપડેટ્સ જોઈ શકશે. Redmi 15 5G ફોનની સૌથી મોટી ખાસિયત એ છે કે તેમાં સિલિકોન-કાર્બન બેટરી ટેક્નોલોજીનો ઉપયોગ થયો છે. એવું કહેવામાં આવી રહ્યું છે કે આ તકલીફમુક્ત ટેક્નોલોજી સાથે આવનાર સેગમેન્ટનો પહેલો સ્માર્ટફોન હશે.

7,000mAh ની વિશાળ બેટરી

હવે દિવસો સુધી ચાર્જની ચિંતા નહિ કંપનીએ કહ્યું છે કે Redmi 15 5Gમાં 7,000mAh ની બેટરી હશે. જે ખાસ કરીને તેના કોમ્પેક્ટ ફોર્મ ફેક્ટરને ધ્યાનમાં લેતા આશ્ચર્યજનક છે. આ શક્ય બન્યું છે સિલિકોન-કાર્બન બેટરી ટેક્નોલોજીની મદદથી, જે ઉચ્ચ ઘનતાવાળું પાવર પેક નાના સાઇઝમાં ઉપલબ્ધ કરાવે છે. Redmi દાવો કરે છે કે આ નવી ટેક્નોલોજી બેટરીને લાંબા સમય સુધી સ્વસ્થ સ્થિતિમાં જાળવી શકે છે, અને ચાર વર્ષ બાદ પણ બેટરી 80% સુધી કાર્યક્ષમ રહેશે.

સ્ટેન્ડબાય અને યુજર્સ ટાઇમ

Redmi ના દાવા અનુસાર, Redmi 15 5G સ્માર્ટફોન માત્ર 1% બેટરી સાથે પણ 13.5 કલાક સુધી હાઇબરનેશન મોડમાં સ્ટેન્ડબાય આપી શકે છે. વધુમાં, નવી બેટરી એકવાર ચાર્જ પર આપશે:

• 55.6 કલાક Spotify સ્ટ્રીમિંગ
• 23.5 કલાક YouTube વિડિઓઝ જોવા માટે
• 17.5 કલાક Instagram Reels
• 12.75 કલાક સુધી BGMI ગેમપ્લે

ડિઝાઇન અને કલર ઓપ્શન

Redmi 15 5G ફોન મિડનાઇટ બ્લેક, ફ્રોસ્ટ વ્હાઇટ, અને સેન્ડી પર્પલ, એમ કુલ ત્રણ કલર ઓપ્શન્સમાં લૉન્ચ થશે. એક વિશિષ્ટ વિગતો મુજબ, ફોનનો કેમેરા આઇલેન્ડ એરોસ્પેસ-ગ્રેડ મેટલથી બનાવવામાં આવ્યો છે, જે તેને વધુ સ્ટાઇલિશ અને મજબૂત બનાવે છે. કંપનીએ વધુમાં ઉમેર્યું છે કે Redmi 15 5G હશે આ સેગમેન્ટનો સૌથી પાતળો સ્માર્ટફોન, જેને કારણે તેનો લુક વધુ અદ્યતન અને આકર્ષક રહેશે.

વધુંમાં વાંચો: VIDEO: એક બે નહીં પાંચ લોકોએ નદીના પ્રવાહ સામે બાથ ભીડી, છતાં બાઈક છટકી ગયું!

Redmi 15 5G તેનીપાવરફૂલ બેટરી, નવી ટેકનોલોજી અને સુંદર ડિઝાઇનના કારણે બજારમાં ધમાકો કરવાની તૈયારીમાં છે. આ ફોન ખાસ કરીને વધુ ચાલતી બેટરી અને મલ્ટી-મીડિયા વપરાશ માટે બનાવાયો છે. હવે જોવાનું એ છે કે ખરીદદારોએ કેટલો પ્રતિસાદ આપ્યો છે અને કિંમત કેટલાયે અફોર્ડેબલ રહેશે. ફોન ટેક ન્યૂઝમાં રહેલો હોવા છતાં, તેની કિંમત, પ્રોસેસર અને અન્ય ખાસિયતોના ખુલાસા માટે ઓફિશિયલ લોન્ચનો રાહ જોવી પડશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ