ભારત અને ઈંગ્લેન્ડ વચ્ચે ચોથી ટેસ્ટ મેચ ગુરુવારથી અમદાવાદમાં રમાશે. ચાર મેચની સિરીઝમાં ભારત 2-1થી આગળ છે અને ભારત પાસે આ સિરીઝ જીતીને વર્લ્ડ ટેસ્ટ ચેમ્પિયનશિપની ફાઇનલમાં પહોંચવાની સુવર્ણ તક છે.
સૌથી વધારે સતત મેચો જીતવા અંગેનો વર્લ્ડ રેકોર્ડ પણ પોતાને નામ કરશે
ઈંગ્લેન્ડ સામેજ 2012માં હોમ ટેસ્ટ સિરીઝમાં હાર મેળવી હતી
બીજા ક્રમાંકે ઓસ્ટ્રેલિયાનું નામ આવે છે
વર્લ્ડ ટેસ્ટ ચેમ્પિયનશિપની ફાઇનલમાં પહોંચી જશે
આ સિરીઝમાં જીતની સાથે સાથે ભારત પાસે બીજો એક વર્લ્ડ રેકોર્ડ કરવાની પણ તક છે. જો ભારત ચોથી મેચ ડ્રો પણ કરશે તે છતા તે વર્લ્ડ ટેસ્ટ ચેમ્પિયનશિપની ફાઇનલમાં પહોંચી જશે. પણ જો મેચ જીતી જશે તો હોમ ગ્રાઉન્ડમાં સૌથી વધારે સતત મેચો જીતવા અંગેનો વર્લ્ડ રેકોર્ડ પણ પોતાને નામ કરશે.
છેલ્લે બાંગ્લાદેશને હરાવ્યુ હતું
ઈંગ્લેન્ડ સામેજ 2012માં હોમ ટેસ્ટ સિરીઝમાં હાર મેળવ્યા બાદ ભારત પોતાના ઘરમાં એક પણ ટેસ્ટ સિરીઝ હારી નથી. 2019માં બાંગ્લાદેશને 2-0થી હરાવીને ભારતે ઘરમાં સતત 12મી ટેસ્ટ સિરીઝ જીતી હતી. ભારતે ઈંદોર ટેસ્ટમાં બાંગ્લાદેશને ઈનિંગ અને 130 રનોથી હાર આપી હતી. ત્યારબાદ કોલકાતા ટેસ્ટમાં પણ ભારતે બાંગ્લાદેશને ઈનિંગ અને 46 રનથી ધૂળ ચટાડીને બે મેચોની ટેસ્ટ સિરીઝ જીતી હતી.
બીજા ક્રમે ઓસ્ટ્રેલિયા છે
ભારત બાદ બીજા ક્રમાંકે ઓસ્ટ્રેલિયાનું નામ આવે છે. જેણે તેનાં હોમ ગ્રાઉન્ડમાં સતત 10-10 ટેસ્ટ સિરીઝી જીતી છે. ટીમ ઈન્ડિયાએ તેનાં ઘરમાં 2012ની ઈંગ્લેન્ડ સિરીઝ બાદ હજુ સુધી 37 ટેસ્ટ મેચ રમી છે. જેમાથી 30 ટેસ્ટ મેચ ભારતે જીતી છે અને 2 ટેસ્ટમાં તેને હાર મળી છે. સાથે જ 5 ટેસ્ટ ડ્રો રહી છે. ઓસ્ટ્રેલિયાએ તેનાં ઘરમાં સતત 10 ટેસ્ટ સિરીઝ જીતમાં 27 ટેસ્ટ મેચોમાંથી 20 મેચ જીતી અને જ્યારે 2માં તેને હાર મળી હતી.
ભારતની તેનાં ઘરમાં સતત ટેસ્ટ સિરીઝ જીતવાની સફર 1- ઓસ્ટ્રેલિયા સામે ફેબ્રુઆરી 2013માં 4-0થી જીત 2- વેસ્ટ ઈન્ડિઝ સામે નવેમ્બર 2013માં 2-0થી જીત 3- સાઉથ આફ્રિકા સામે નવેમ્બર 2015માં 3-0થી જીત 4- ન્યૂઝીલેન્ડ સામે સપ્ટેમ્બર 2016માં 3-0થી જીત 5- ઈંગ્લેન્ડ સામે નવેમ્બર 2016માં 4-0થી જીત 6- બાંગ્લાદેશ સામે ફેબ્રુઆરી 2017માં 1-0થી જીત 7- ઓસ્ટ્રેલિયા સામે ફેબ્રુઆરી 2017માં 2-1થી જીત 8- શ્રીલંકા સામે નવેમ્બર 2017માં 1-0થી જીત 9- અફઘાનિસ્તાન સામે જૂન 2018માં 1-0થી જીત 10- વેસ્ટ ઈન્ડિઝ સામે એક્ટોબર 2018માં 2-0થી જીત 11- સાઉથ આફ્રિકા સામે ઓક્ટોબર 2019માં 3-0થી જીત 12- બાંગ્લાદેશ સામે નવેમ્બર 2019માં 2-0થી જીત 13- ઈંગ્લેન્ડ સામે ભારત 4 ટેસ્ટની સિરીઝમાં 2-1થી આગળ છે.