શેરબજાર / ટાટાની આ કંપનીના શેરહોલ્ડર્સને લોટરી લાગી! એક શેર પર મળશે 775 ટકાનું બમ્પર ડિવિડન્ડ

શેરબજારમાં ટાટા ગ્રુપના શેરોનું રોકાણ સૌથી સેફ માનવામાં આવે છે. મોટાભાગે શેર બજારના જાણકાર એવું કહે છે કે લોન્ગ ટર્મમાં જો કોઈ શેર સારી કમાણી કરી શકે છે તો તે ટાટા ગ્રુપના શેર છે. આ વાત સાચી પણ છે. ટાટા ગ્રુપના તમામ શેરોની હિસ્ટ્રી જોઈએ તો તેમાં તમને અનેક હજાર ગણુ રિટર્ન જોવા મળી જશે. આજે અમે વાત ટાટા ગ્રુપના શેરોના રિટર્નની નહીં પરંતુ ટાટા ગ્રુપની કંપનીનીથી થતા શેરહોલ્ડર્સને આપવામાં આવતા ડિવિડન્ડ પર ચર્ચા કરવા જઈ રહ્યા છીએ.

તેનું કારણ છે ટાટા ગ્રુપની કંપની જે પોતાના શેરહોલ્ડર્સને 50, 100, 200 કે 500 ટકા નહીં પરંતુ પુરા 775 ટકાનું ડિવિડન્ડ આપી રહ્યું છે. ટાટા ગ્રુપની આ કંપનીનું નામ ટાટા કન્ઝ્યુમર પ્રોડક્ટ્સ છે. આમ તો મંગળવારે કંપનીના શેર ફ્લેટ વેપાર કરીને બંધ થયા છે. જાણો કન્ઝ્યુમર પ્રોડક્ટ્સે શેર હોલ્ડર્સ કેટલા રૂપિયા ડિવિડન્ટ આપવાની જાહેરાત કરી છે.

775 ટકાના ડિવિડન્ડની જાહેરાત

મીઠાથી લઈને ચા અને પાણીથી લઈને કોફી વેચનાર ટાટા ગ્રુપની એફએમસીજી કંપની ટાટા કન્ઝ્યુમર પ્રોડક્ટ્સ પોતાના રોકાણકારને મોટુ ડિવિડન્ડ આપી રહી છે. આ ડિવિડન્ટ 775 ટકાનું છે. જાણકારી અનુસાર ટાટા ગ્રુપની એફએમસીજી કંપનીએ નાણાકીય વર્ષ 2023-24 માટે એક રૂપિયાના ફેસ વેલ્યુ વાળા શેર પર 7.75 રૂપિયા ડિવિડન્ડની જાહેરાત કરી છે.

વધુ વાંચો: KKRના શ્રેયસ અય્યરે રચ્યો ઈતિહાસ, કેપ્ટનશિપના મામલે MS ધોની અને રોહિત શર્માનો તોડ્યો રેકોર્ડ

કંપનીની તરફથી ડિવિડન્ડની રેકોર્ડ ડેટ 24 મે રાખવામાં આવી છે. જો છેલ્લા વર્ષોની વાત કરવામાં આવે તો કંપનીએ પાંચ વર્ષોમાં પોતાના ડિવિડન્ડમાં વધારો જ કર્યો છે. વર્ષ 2023માં કંપનીની તરફથી 8.45 રૂપિયા પ્રતિ શેરનું ડિવિડન્ટ આપવામાં આવ્યું હતું. જ્યારે 2022માં આ આંકડો 6.05 રૂપિયા પ્રતિ શેર જોવા મળ્યો હતો. 2021માં કંપનીએ રોકાણકારને 4.05 રૂપિયા પ્રતિ શેર ડિવિડન્ડ આપવાની જાહેરાત કરી હતી. 2020માં કંપનીએ રોકાણકારને 2.7 રૂપિયા ડિવિડન્ડ આપ્યું હતું.