ઓટોમોબાઈલ સેક્ટર છેલ્લાં ઘણાં સમયથી ચિપ સંકટથી ઝઝૂમી રહ્યું છે અને આ મુશ્કેલીના કારણે કંપની કારના પ્રોડક્શનમાં ભારે અછત આવી છે. તેથી આવી રહેલા તહેવારોમાં લોકોને કાર ખરીદવા માટે મુશ્કેલી પડી શકે તેવા એંધાણ વર્તાઈ રહ્યાં છે.
ઓટોમોબાઈલ સેક્ટર ચિપ સંકટથી પરેશાન
ચિપ સંકટના કારણે કારના પ્રોડક્શનમાં ભારે અછત
સેમી કંડકટરની અછતને દૂર કરવા કેન્દ્ર સરકારે બનાવી ટાસ્ક ફોર્સ
આઈટી મંત્રાલયે ગ્લોબલ કંપનીઓ સાથે કરી મુલાકાત
આ દરેક બાબતો પર ધ્યાન રાખીને સરકારે સેમી કંડકટરની અછતના સંકટને દૂર કરવાના પ્રયાસ શરૂ કર્યા છે. જે હેઠળ સરકારે સેમી કંડકટરની અછતનો ઉકેલ લાવવા માટે ટાસ્ક ફોર્સ બનાવવાનો નિર્ણય કર્યો છે. સેમી કંડકટરની અછતના સંદર્ભમાં આઈટી મંત્રાલયે ગ્લોબલ કંપનીઓ સાથે મુલાકાત કરી. જ્યારે સરકાર દ્વારા બનાવવામાં આવેલી ટાસ્ક ફોર્સ સેમી કંડકટરની અછતથી લડવા માટે પોતાની ભલામણ આપશે. જે અનુસાર આગળનો પ્લાન ઓફ એક્શન નક્કી થશે. આ ભલામણ નાની અને લાંબી મુદ્દતને આધારિત હશે. એક વેબસાઈટના સુત્રો મુજબ, સેમી કંડકટર યુનિટ લગાવવાળી કંપનીઓને ઈન્સેન્ટિવ આપવાનો રોડ મેપ નક્કી હશે.
સરકાર કંપનીઓને ઈન્સેન્ટિવ આપશે
આ સંકટનો ઉકેલ લાવવા માટે સરકાર દ્વારા લેવામાં આવેલા નિર્ણય હેઠળ સરકાર ઘણાં તબક્કાની અંદર કંપનીઓને ઈન્સેન્ટિવ આપશે. જાણકારી મુજબ, અત્યારે બે થી ત્રણ કંપનીઓએ સેમી કંડક્ટર યુનિટ લગાવવામાં રસ દાખવ્યો છે. આ સિવાય ટાટા ગ્રુપે પણ સેમી કંડક્ટર યુનિટ લગાવવામાં રસ દાખવ્યો છે. આ અહેવાલ બાદ ટાટા મોટર્સના સ્ટોકમાં એકશન દેખાશે.
સેમી કંડક્ટર એક સિલિકન ચિપ
ઉલ્લેખનીય છે કે, સેમી કંડક્ટર સિલિકન ચિપ છે, જેનો ઉપયોગ ગાડીઓ, કોમ્પ્યુટર, મોબાઈલ ફોન અને અલગ-અલગ ઈલેક્ટ્રોનિક્સ પ્રોડક્ટ્સમાં નિયંત્રણ અને મેમરી માટે કરવામાં આવે છે. તાજેતરમાં બ્લૂટૂથ કનેક્ટિવિટી અને ડ્રાઈવર આસિસ્ટન્ટ જેવા નવા ઈલેક્ટ્રોનિક ફીચર્સના કારણે વાહન ઉદ્યોગમાં સેમી કંડકટરોનો ઉપયોગ વધ્યો છે.