વાયરલ / અરરર... સુરતવાસીઓ આ વીડિયો જોયા પછી તમે વડાપાઉ ખાતા પહેલા એકવાર તો વિચારશો જ

• સ્ટેશન પરના ખાદ્ય પદાર્થોની ગુણવતા પર સવાલ 
• સુરતના રેલવે સ્ટેશન પર સડેલા બટેટાનો વપરાશ 
• જાગૃત નાગરિકે વિડીયો બનાવી કર્યો વાયરલ 

રાજ્યના રેલવે સ્ટેશનો પર મળતી ખાદ્ય ચીજોની ગુણવતા કેવી હોય છે તે જોવું હોય તો સુરત રેલવે સ્ટેશન પર ચોક્કસ જજો. અહી જે પ્રકારનો ખાદ્ય ખોરાક મળે છે તેનાથી તમને થશે કે, રેલવે સ્ટેશન પર ખાવું  તો દૂર,સુગંધ પણ ના લેવી જોઈએ.સુરત રેલવે સ્ટેશન પરનો એક આંચકાજ્નક વિડીયો વાયરલ થયો છે. જેમાં સડેલા બટેટામાથી વડા બનાવાઈ રહ્યા છે.એક જાગૃત નાગરિકે આ વિડીયો વાયરલ કરતા રેલવે સ્ટેશન પર મળતા ખાદ્ય પદાર્થોની ગુણવતા પર સવાલ ઉઠી રહ્યા છે.

સુરતના રેલવે સ્ટેશન પરના પ્લેટફોર્મ નં 4 પર સડેલા બટાકમાંથી વડા બનાવવામાં આવે છે.અને સ્ટોલધારક ડ્રેસ કોડ અને બિલ્લા વગર ખુલ્લેઆમ વડાપાઉં વેંચે છે.સ્ટોલ પર વપરાતુ તેલ પણ આરોગ્યપ્રદ ન હોવાનું સામે આવ્યું  છે.સમગ્ર ઘટનાનો વિડિયો સોશિયલ મીડિયામાં વાયરલ થતા ચકચાર મચી ગઈ છે.