ચુકાદો / સુરતમાં પૉર્ન ફિલ્મો જોઈને 5 વર્ષની બાળકી સાથે દુષ્કર્મ બાદ હત્યા કરનારને આજીવન કેદની સજા

• સુરત હજીરા વિસ્તારમાં બાળકી સાથે રેપ અને હત્યાનો મામલો
• આરોપી સુજીત સાકેતને જનમટીપની સજા ફટકારાઇ 
• દોષિતે 5 વર્ષની બાળકી સાથે દુષ્કર્મ કરીને નિપજાવી હતી હત્યા 

આરોપી સુજીત સાકેતને જનમટીપની સજા ફટકારાઇ 

સુરતના હજીરા વિસ્તારમાં 30 એપ્રીલ 2021ની 5 વર્ષની બાળકીના રેપ અને હત્યાની ચકચારી ઘટનામાં સુરત કોર્ટના એડિશનલ સેસન્સ જજ અને સ્પેશિયલ જજ પી એસ કલાએ મૂળ મધ્યપ્રદેશના અને સુરતમાં મજૂરી કામ કરીને ગુજરાન આરોપી સુજીત સાકેત દોષિત જાહેર થતાં કોર્ટે ને આજીવન કેદની સજા ફટકારી છે 

દોષિતે 5 વર્ષની બાળકી સાથે દુષ્કર્મ કરીને નિપજાવી હતી હત્યા 

સુરતના હજીરા વિસ્તારમાં 30 એપ્રીલ 2021ના રોજ બનેલી આ ચકચારી ઘટનામાં આરોપી સુજીત સાકેતે પહેલા 5 વર્ષની બાળકી સાથે દુષ્કર્મ આચર્યું હતું એટલું જ નહીં પરંતુ દોષિતે પીડિતા સાથે સૃષ્ટિ વિરૃદ્ધનું કૃત્ય પણ આચર્યું હતું. ત્યાર બાદ પુરાવાનો નાશ કરવાના ઈરાદાથી નરાધમે ઈંટ મારીને પીડિતાનું માથુ ફોડી નાખ્યું હતું, પીડિતા મરી જ જાય તેની ખાતરી કરવા દોષિતે સુજાતે પીડિતાનું ગળુ પણ દબાવ્યું હતું. સમગ્ર રાજ્યમાં આ ઘટનાના ઘેરા પ્રત્યાઘાત પડ્યાં હતા તથા આરોપીને ફાંસીની સજા પણ માગ ઉઠી હતી.
 
સૃષ્ટિ વિરુદ્ધનું કૃત્ય કરનારને 20 વર્ષની સજા ફટકારી

બીજી તરફ આજે જ આણંદ કોર્ટ દ્વારા પણ મહત્વપૂર્ણ ચુકાદો આપવામાં આવ્યો છે, 6 વર્ષના માસૂમ બાળક સાથે સૃષ્ટિ વિરુદ્ધનું કૃત્ય કરનાર આરોપીને કોર્ટે 20 વર્ષની સજા ફટકારી છે અને બોગ બનનાર બાળકને 5 લાખનું વળતર આપવા પણ હુકમ આપવામાં આવ્યો છે. બે વર્ષની કાનૂની લડાઈ બાદ આ કેસમાં ચુકાદો આવ્યો 

વાપી ખાતે દુષ્કર્મના આરોપીને આજીવન કેદ 

24 ડિસેમ્બરે પણ વાપીમાં આઠ વર્ષની બાળકી સાથે દુષ્કર્મ આચરનારને વલસાડ કોર્ટે આજીવન કેદની સજા ફટકારી હતી. ભોગ બનનાર બાળકીને સાત લાખનું વળતર સાથે આરોપીને જન્મટીપની સજા આપવામાં આવી હતી.