ક્રાઈમ / લાશ પણ સુરક્ષિત નહીં! સુરતની સિવિલ હોસ્પિટલમાં મહિલાની લાશ પરથી મંગળસૂત્રની ચોરી, પરિવારનો હોબાળો

ડોક્ટરના આપઘાત અને બીજા વિવાદમાં સપડાયેલી સુરતની સિવિલ હોસ્પિટલમાં વધુ એક વિવાદ સામે આવ્યો છે. એક મહિલાની લાશ પર મંગળસૂત્રની ચોરી થઈ જતા પરિવારે હોબાળો મચાવ્યો હતો. ડીંડોલી નવાગામ વિસ્તારમાં રહેતી 40 વર્ષીય પરિણીતાનું વોર્ડમાં મોત થયું હતું. પરિવારનો આરોપ છે કે મહિલાના ગળામાંથી મંગળસૂત્ર ગાયબ થયું હતું.

પરિવારનો શું આરોપ?

સીમાબેનના સંબંધીઓએ આક્ષેપ કરતાં જણાવ્યું હતું કે, જ્યારે સીમાબેનને સિવિલ હોસ્પિટલમાં સારવાર માટે લાવવામાં આવ્યા ત્યારે તેમના ગળામાં સોનાનું પેન્ડલ લગાવેલું મંગળસૂત્ર હતું. વોર્ડમાં ખસેડવાની પ્રક્રિયા બાદ તેમના ગળામાંથી મંગળસૂત્ર ગાયબ જણાયું હતું. પરિવારે હોસ્પિટલ સ્ટાફ અથવા અન્ય કોઈ અજાણ્યા વ્યક્તિ પર મંગળસૂત્ર ચોરી લીધાનો આક્ષેપ કરી ભારે હોબાળો મચાવ્યો હતો.

વધુ વાંચો : દારુબંધીના ધજાગરાનું નવું નજરાણું! વડોદરામાં એક્ટિવામાંથી નીકળી દારૂની 455 બોટલો, દરેકે ખુણામાં છુપાવી

સારવાર વખતે વોર્ડમાં મોત

મળતી માહિતી મુજબ, ડીંડોલીના નવાગામની 40 વર્ષીય સીમા પાટીલનું ડાયાબિટીસની સારવાર દરમિયાન મોત થયું હતું અને પરિવાર દ્વારા તેમને સિવિલ હોસ્પિટલમાં દાખલ કરવામાં આવી હતી જ્યાં તેમનું મોત થયું હતું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ