બનાસકાંઠા / દિવાલ પર લખી અંતિમ વ્યથા, વીડિયો બનાવી પિતાએ મોત વ્હાલું કર્યું

ડીસા તાલુકાના રામસણ ગામમાં ભીખાભાઈ સોલંકી છેલ્લા કેટલાક વર્ષોથી એકલવાયું જીવન જીવતા હતા... એક દિવસ અગાઉ તેમણે ઘરમાં ગળેફાંસો ખાઈ આત્મહત્યા કરી લીધી હતી.આત્મહત્યા કરતા પહેલા ભીખાભાઈએ ઘરની અંદર તેમજ બહારની દિવાલ પર લખાણ લખ્યું હતું. જેમાં પોતાના પુત્ર, પત્ની અને દીકરીઓ તરફથી માનસિક અને શારીરિક ત્રાસ મળતો હોવાના આક્ષેપ કર્યા હતા.

મોબાઇલમાં વીડિયો પણ બનાવ્યો

આ ઉપરાંત તેમણે મોબાઇલમાં વીડિયો પણ બનાવ્યો હતો. વીડિયોમાં પરિવારજનોના ત્રાસથી કંટાળીને આ પગલું ભર્યું હોવાનો ઉલ્લેખ કર્યો હતો. સાથે જ પોલીસને ન્યાય અપાવવા માટે અપીલ કરી હતી. રક્ષાબંધન નજીક હોવાથી બનાસકાંઠાના આઈજીને બહેન તરીકે સંબોધીને ન્યાય અપાવવાની વિનંતી પણ વીડિયોમાં કરી હતી.

પાંચ સભ્યો વિરુદ્ધ ફરિયાદ નોંધાવી

ઘટનાની જાણ થતાં ડીસા પોલીસની ટીમ તાત્કાલિક રામસણ ગામે પહોંચી હતી અને મૃતદેહને નીચે ઉતારી પોસ્ટમોર્ટમ માટે ખસેડ્યો હતો. મૃતકનો મોબાઇલ તપાસતા તેમાં વીડિયો મળી આવ્યો હતો, જેમાં પરિવારજનો દ્વારા માનસિક અને શારીરિક ત્રાસ આપવામાં આવતો હોવાના આક્ષેપ કરવામાં આવ્યા હતા.મૃતકની બહેને પરિવારના પાંચ સભ્યો વિરુદ્ધ ફરિયાદ નોંધાવી છે.

પરિવારના તમામ સભ્યો નાસી ગયા

જોકે આધેડે આત્મહત્યા કરી લેતા પરિવારના તમામ સભ્યો નાસી ગયા છે જોકે પિતાના અગ્નિસંસ્કાર કરવા માટે પણ પુત્ર હાજર પણ નથી રહ્યો અને તે પોલીસની ડરથી ભાગી ગયો છે અત્યારે અત્યારે તો સગા સંબંધીઓ તેમના અગ્નિસંસ્કાર કરીને સામાજિક રીતે રિવાજ મુજબ તેમની વિધિ છે તે કરી હતી ત્યારે અત્યારે તો ફરિયાદના આધારે પોલીસે નાસી ગયેલા આરોપીઓને શોધખોળ પોલીસે હાથ ધરી છે..

અન્ય પુરાવાઓના આધારે સમગ્ર મામલે તપાસ

પોલીસ દ્વારા મૃતકના વીડિયો, દિવાલ પર લખાયેલા લખાણ તેમજ અન્ય પુરાવાઓના આધારે સમગ્ર મામલે તપાસ કરવામાં આવી રહી છે. મૃતક ચાર બહેનોનો એકમાત્ર ભાઈ હતો. ભાઈના મોતથી બહેનો અને પરિવારજનોમાં શોકની લાગણી પ્રસરી છે. જોકે, આત્મહત્યા પાછળના ચોક્કસ કારણો અને આક્ષેપોની હકીકત પોલીસ તપાસ બાદ જ સ્પષ્ટ થશે.

આ પણ વાંચોઃ વિધાનસભા ચોમાસા સત્રની તૈયારીઓ શરૂ, જાહેર કરાઈ કામકાજની યાદી

આરોપીઓના નામ

• નરેશભાઈ ભીખાભાઈ સોલંકી, રામસણ
• શિલ્પાબેન ભીખાભાઈ સોલંકી, રામસણ
• લવજીભાઈ વિહાભાઈ સોલંકી, રામસણ
• રાજેશભાઈ લવજી ભાઈ સોલંકી, રામસણ
• મથુરભાઈ સેધાભાઈ રોબસિયા (ગામઃ કુચાવાડા)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ