બિઝનેસ / અચાનક સોના ચાંદીના ભાવમાં મોટો ઘટાડો, જાણો ગોલ્ડ-સિલ્વરનો રેટ

શુક્રવારે સોના અને ચાંદીના ભાવમાં મોટો ઘટાડો થયો છે. મલ્ટી-કોમોડિટી માર્કેટમાં સોના અને ચાંદીના ભાવમાં ઘટાડો થયો. સવારના કારોબાર દરમિયાન તેમાં નોંધપાત્ર ઘટાડો જોવા મળ્યો છે. જેમાં ચાંદીના ભાવ આજે લગભગ 8000 રૂપિયા ઘટ્યા છે.

સોનાના ભાવ 866 રૂપિયા પ્રતિ 10 ગ્રામ ઘટ્યા છે. MCX પર 5 ઓગસ્ટના વાયદા માટે સોનાના ભાવ 866 થી વધુ ઘટીને 1,58,165 રૂપિયા પ્રતિ 10 ગ્રામ પર ટ્રેડ થઈ રહ્યા છે. 3 જુલાઈના વાયદા માટે ચાંદીના ભાવ લગભગ ₹8,000 ઘટીને ₹2,57,900 પ્રતિ કિલોગ્રામથી નીચે આવી ગયા છે. વૈશ્વિક તણાવ અને કિંમતી ધાતુઓમાં ચાલી રહેલી નફા-બુકિંગ વચ્ચે સોના અને ચાંદીના ભાવમાં ઘટાડો થયો છે. ચાલો સોના અને ચાંદીના ભાવમાં ઘટાડા તરફ દોરી ગયેલા પરિબળોની તપાસ કરીએ.

• બુલિયન માર્કેટમાં સોના અને ચાંદીના ભાવ

ભારતીય બુલિયન માર્કેટ વેબસાઇટ અનુસાર, 4 જૂનની સવારની સરખામણીમાં 24 કેરેટ સોનાનો ભાવ લગભગ 866 રૂપિયા ઘટીને 1,58,165 પ્રતિ 10 ગ્રામ થયો છે. જેમાં 22 કેરેટ સોનાનો ભાવ 1,41,238 રૂપિયા પ્રતિ 10 ગ્રામ થયો હતો. 18 કેરેટ સોનાનો ભાવ 1,15,643 રૂપિયા પ્રતિ 10 ગ્રામ થયો હતો. ચાંદીનો ભાવ ઘટીને 2,54,950 પ્રતિ કિલો થયો હતો.

• સોના અને ચાંદીના ભાવ કેમ ઘટ્યા?

1. યુએસ વ્યાજ દરો અંગે તણાવ : મીડિયા અહેવાલ મુજબ અમુક યુએસ ફેડરલ રિઝર્વ અધિકારીઓના નિવેદનોએ ચિંતા વ્યક્ત કરી છે કે વ્યાજ દરો લાંબા સમય સુધી ઊંચા રહી શકે છે કે વધુ વધી શકે છે. જેમાં સોનું અને ચાંદી વ્યાજ ચૂકવતા નથી આથી જ ઊંચા દરો દરમિયાન તેમની ખરીદી ઓછી થાય છે અને તણાવના સમયમાં વેચાણ પણ વધે છે.
2. પ્રોફિટ બુકિંગ : તાજેતરના મહિનાઓમાં સોનું અને ચાંદી રેકોર્ડ ઊંચા સ્તરે પહોંચી ગયું છે. આથી ઘણા મોટા ફંડ મેનેજરો અને વેપારીઓએ નફો બુક કરવાનું શરૂ કર્યું છે, જેના કારણે વેચાણમાં વધારો થયો છે.
3. ડોલર અને બોન્ડ યીલ્ડનો પ્રભાવ :જ્યારે યુએસ બોન્ડ યીલ્ડ અને ડોલર મજબૂત થાય છે ત્યારે રોકાણકારો સુરક્ષિત હેવન મેટલ્સથી દૂર થઈને ડોલર-ડિનોમિનેટેડ એસેટ્સ તરફ પોતાનો ઇંટ્રેસ્ટ બદલી નાખે છે. તેનાથી સોના અને ચાંદી પર દબાણ આવે છે.

વધુ વાંચો : મોંઘવારી વધે તો નવાઇ નહીં! RBI ગવર્નરે આપ્યા ચોંકાવનારા સંકેત, ઘટી શકે GDP

• સોના અને ચાંદીમાં વૈશ્વિક કમજોરી

COMEX અને ઇન્ટરનેશનલ બુલિયન માર્કેટમાં સોના અને ચાંદીના ભાવ ઘટ્યા છે. જેની અસર ભારતના કોમોડિટી બજાર પર પડી છે. ઇન્ટરનેશનલ માર્કેટમાં સોનું પ્રતિ ઔંસ 14 ડોલર ઘટીને 4,491.50 ડોલર થયું છે જ્યારે ચાંદી 1.2 ડોલર ઘટીને 72.745 ડોલર પ્રતિ ઔંસ થઈ છે.

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ