આઇપીએલ / રવિન્દ્ર જાડેજાને મોટો ફટકો! એક ઝાટકે 4,00,00,000 રૂપિયાનું નુકસાન

Ravindra Jadeja Salary: રવિન્દ્ર જાડેજા આઇપીએલ 2026ની સિઝનમાં હવે નવા રૂપમાં જોવા મળી શકે છે. અત્યાર સુધી રવિન્દ્ર ચેન્નાઈ સુપર કિંગ્સ માટે રમતો હતો જો કે હવે આગામી સિઝનમાં રાજસ્થાન રોયલ્સ માટે રમશે. તેની જગ્યાએ રાજસ્થાન રોયલ્સે સંજુ સેમસનને ચેન્નાઈ સુપર કિંગ્સને ટ્રેડ કર્યો છે. મહત્વની વાત એ છે કે સંજુ સેમસનને કોઈ પૈસાનું નુકસાન થયું નથી, જ્યારે રવિન્દ્ર જાડેજાને રૂપિયા 4 કરોડનું નુકસાન થયું છે.

રવિન્દ્ર જાડેજાનો પગાર

રવિન્દ્ર જાડેજાએ ચેન્નાઈ સુપર કિંગ્સ સાથે આઇપીએલમાં 12 સીઝન રમી હતી, પરંતુ હવે આ દિગ્ગજ ઓલરાઉન્ડર રાજસ્થાન રોયલ્સ માટે રમશે. રાજસ્થાન રોયલ્સે સંજુ સેમસનના બદલામાં રવિન્દ્ર જાડેજાને લીધો છે. રસપ્રદ વાત એ છે કે, રાજસ્થાન રોયલ્સ રવિન્દ્ર જાડેજાને રૂપિયા 14 કરોડ આપશે,જો કે ચેન્નાઈ સુપર કિંગ્સ સાથે દર સીઝનમાં તેને રૂપિયા 18 કરોડ મળતા હતા. આનો અર્થ જાડેજાને રૂપિયા 4 કરોડનું નુકસાન વેઠવું પડ્યું છે.

સંજુ સેમસનને આટલા પૈસા મળશે

સંજુ સેમસન જે અગાઉ રાજસ્થાન રોયલ્સનું નેતૃત્વ કરી ચૂક્યો છે, તે હવે ચેન્નાઈ સુપર કિંગ્સ માટે રમશે. સંજુ સેમસન આઇપીએલના સૌથી અનુભવી ખેલાડીઓમાંનો એક છે, જેને 177 મેચનો અનુભવ છે. ચેન્નાઈ સુપર કિંગ્સ તેને દર સીઝનમાં 18 કરોડ આપશે, જે રાજસ્થાન રોયલ્સ તેને આટલી રકમ આપતી હતી.

આ ખેલાડીઓએ પણ ટીમો બદલી

માત્ર જાડેજા અને સંજુ સેમસન જ નહીં, પરંતુ છ અન્ય ખેલાડીઓએ પણ ટીમો બદલી છે. ઈંગ્લેન્ડના ઓલરાઉન્ડર સેમ કુરન હવે ચેન્નાઈ સુપર કિંગ્સને બદલે રાજસ્થાન રોયલ્સ માટે રમશે. તેને રૂપિયા 2.4 કરોડ મળશે. મોહમ્મદ શમી પણ સનરાઇઝર્સ હૈદરાબાદથી લખનૌ સુપર જાયન્ટ્સમાં જોડાયો છે. તેને લખનૌ ટીમ સાથે દર સીઝનમાં 10 કરોડ મળશે.

આ પણ વાંચોઃ જાડેજા RRમાં, તો સેમસનનો CSKમાં, એકસાથે કુલ 10 ખેલાડીઓ ટ્રેડ, જુઓ લિસ્ટ

અર્જુન તેંડુલકર અને નીતિશ રાણાને આટલા મળશે

અર્જુન તેંડુલકરને મુંબઈ ઇન્ડિયન્સ દ્વારા લખનૌ સુપર જાયન્ટ્સને ટ્રેડ કરાયો છે. તેને પ્રતિ સીઝન રૂપિયા 30 લાખ મળશે. નીતિશ રાણાની વાત કરીએ તો તેને રાજસ્થાન રોયલ્સથી દિલ્હી કેપિટલ્સમાં ટ્રેડ કરાયો છે. રાણાને રૂપિયા 4.2 કરોડ મળવાના છે. લેગ-સ્પિનર ​​મયંક માર્કંડે મુંબઈ ઇન્ડિયન્સ ટીમમાં ટ્રેડ દ્વારા સામેલ કરાયો છે. દક્ષિણ આફ્રિકાના બેટ્સમેન ડોનોવન ફરેરાને રાજસ્થાન રોયલ્સથી દિલ્હી કેપિટલ્સમાં ટ્રેડ કરાયો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ