સ્પોર્ટ્સ / 6,6,6,6,6,6,6,6,6... શિવમ દુબેએ ફાસ્ટેસ્ટ સેન્ચ્યુરી ફટકારી બનાવ્યો રેકોર્ડ

Shivam Dube Century: એશિયા કપ 2025ના ફાઇનલમાં ભારતને ચેમ્પિયન બનાવનારા ઓલરાઉન્ડર શિવમ દુબેએ પ્રેક્ટિસ મેચમાં તાવડતોડ બેટિંગ કરી હતી. મુંબઈ વિરુદ્ધ મહારાષ્ટ્ર સામેના ત્રણ દિવસીય વોર્મ-અપ મેચમાં લેફ્ટ હેન્ડ બેટ્સમેને 62 બોલમાં 9 છગ્ગા અને 5 ચોક્કા સહિત 100 રનની તોફાની સદી ફટકારી. પુણેના મહારાષ્ટ્ર ક્રિકેટ એસોસિએશન (MCA) સ્ટેડિયમમાં 7 ઓક્ટોબર, 2025ના રોજ રમાયેલી આ મેચ ડ્રો રહી, પરંતુ દુબેએ તેમની વિસ્ફોટક બેટિંગથી દર્શકોને મંત્રમુગ્ધ કરી દીધા. ચોથા ક્રમે બેટિંગ કરવા ઉતરેલા દુબેએ તાબડતોડ બેટિંગ કરીને મેચનું સ્વરૂપ બદલી નાખ્યું.

મુંબઈના ઓપનર્સ અંગક્રુષ રઘુવંશી 27 અને આકાશ આનંદ માત્ર 5 રન બનાવીને આઉટ થયા, જ્યારે હાર્દિક તામોરે 24 રન પર ઈજાને કારણે રિટાયર્ડ હર્ટ થયા. આ વચ્ચે દુબેની એન્ટ્રીએ મુંબઈને જીવન આપ્યું. તેમણે લગભગ 160ના સ્ટ્રાઈક રેટથી રમીને સદી પૂરી કરી, જેમાં લેફ્ટ આર્મ સ્પિનર હિતેશ વાલુંજને ખૂબજ રન પડ્યા. દુબેએ કહ્યું, "આ પ્રેક્ટિસ મેચમાં ફોર્મ જાળવવા માટે સારો ઓપ્શન હતો. એશિયા કપ પછી રેડ-બોલ ક્રિકેટમાં પાછા ફર્યા છું, અને આવી ઇનિંગ થી આત્મવિશ્વાસ વધે છે." તેમની આ ઇનિંગે મુંબઈને મજબૂત સ્થિતિમાં પહોંચાડ્યું, જોકે મેચ ડ્રો રહી.

મહારાષ્ટ્ર તરફથી પૃથ્વી શૉએ પણ કમાલ કરી. મુંબઈમાંથી મહારાષ્ટ્રમાં ટ્રાન્સફર થયેલા શૉએ પ્રથમ ઇનિંગમાં 140 બોલમાં 181 રનની આકર્ષક સદી ફટકારી, જેમાં તેમના સાથી અર્શીન કુલકર્ણીએ 139 બોલમાં 186 રનની ધમાકેદાર ઇનિંગ રમી. બંને વચ્ચે પ્રથમ વિકેટ માટે 300થી વધુ રનની ભાગીદારી થઈ, જે મહારાષ્ટ્રને મજબૂત શરૂઆત આપી. કુલકર્ણીને મુંબઈના શામ્સ મુલાણીએ આઉટ કર્યા. જોકે, બીજી ઇનિંગમાં શૉ 22 અને કુલકર્ણી માત્ર 1 રન બનાવી શક્યા, જેના કારણે મેચ ડ્રો રહી.

વધુમાં વાંચો: મોબાઈલ જ નહીં કાર અને સ્માર્ટવોચથી પણ કરી શકશો UPI પેમેન્ટ, RBI ગવર્નરની જાહેરાત

શૉએ કહ્યું, "મુંબઈ સામે પહેલી વખત રમવું અનુભવજનક હતું. નવી ટીમમાં સેટલ થવા માટે આ મેચ મદદરૂપ થઈ." આ મેચમાં મુંબઈના અન્ય ખેલાડીઓ જેમ કે અંકીત બાવને પણ ભાગ લીધો, અને MCAએ મફત પ્રવેશથી દર્શકોને આકર્ષ્યા. આ પ્રેક્ટિસ મેચથી બંને ટીમોને કોમ્બિનેશન્સ ટેસ્ટ કરવાની તક મળી. મહારાષ્ટ્ર માટે શૉ અને કુલકર્ણીની ભાગીદારી ઉત્સાહજનક છે, જ્યારે દુબેએ તેમની ઓલરાઉન્ડ ક્ષમતા દર્શાવી. રણજી સીઝનમાં આવા પ્રદર્શનો ભારતીય ક્રિકેટને વધુ ગુણવત્તાવાળું બનાવશે, અને દુબે જેવા ખેલાડીઓને રાષ્ટ્રીય ટીમમાં સ્થાન મજબૂત કરશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ