સ્પોર્ટ્સ / મુંબઈ ઈન્ડિયન્સ ટીમનું નામ બદલાશે, 700 કરોડ રૂપિયાની ડીલ પછી લેવાયો નિર્ણય!

મુંબઈ ઈન્ડિયન્સ ફ્રેન્ચાઇઝી માત્ર IPL કે WPL સુધી મર્યાદિત નથી રહી, પરંતુ હવે વિશ્વભરમાં પોતાના પગ મજબૂત કરી રહી છે. તાજેતરમાં જ ‘ધ હન્ડ્રેડ લીગ’ની ઓવલ ઇન્વિન્સિબલ્સ ટીમમાં 49% હિસ્સેદારી ખરીદી બાદ હવે આ ટીમનું નવું નામ જાહેર થયું છે. આવતા સીઝનથી ઓવલ ઇન્વિન્સિબલ્સને ‘MI London’ નામથી ઓળખવામાં આવશે.

700 કરોડથી વધુનો મોટો સોદો

રિપોર્ટ્સ અનુસાર, ઓવલ ઇન્વિન્સિબલ્સની કિંમત લગભગ 123 મિલિયન પાઉન્ડ (ભારતીય ચલણ મુજબ લગભગ ₹1,400 કરોડ) આંકવામાં આવી હતી. તેમાં મુંબઈ ઈન્ડિયન્સે 49% હિસ્સેદારી માટે 60 મિલિયન પાઉન્ડ (₹700 કરોડથી વધુ) ચૂકવ્યા છે. બાકીની 51% હિસ્સેદારી સરે કાઉન્ટી ક્લબ પાસે જ રહેશે. સરે કાઉન્ટી ઇચ્છતું હતું કે ટીમનું નામ ઓવલ ઇન્વિન્સિબલ્સ જ રહે, છતાં એક અહેવાલ મુજબ 2026 સીઝનથી પહેલા જ આ ટીમનું નવું નામ ‘MI London’ રાખવામાં આવશે.

વધુ વાંચો : VIDEO: રન લેતી વખતે બેટ્સમેન ત્રણ વખત પડ્યો, છતા પણ આઉટ ન થયો, વીડિયો વાયરલ

મુંબઈ ઈન્ડિયન્સની કુલ 6 ટીમો

આ સોદા બાદ હવે મુંબઈ ઈન્ડિયન્સ ફ્રેન્ચાઇઝી દુનિયાભરમાં કુલ 6 ટીમોની માલિક બની ગઈ છે:

• IPL અને WPL: મુંબઈ ઈન્ડિયન્સ (ભારત)
• MLC (અમેરિકા): MI ન્યૂ યોર્ક
• SA20 (દક્ષિણ આફ્રિકા): MI કેપટાઉન
• ILT20 (યુએઈ): MI એમિરેટ્સ
• ધ હન્ડ્રેડ (ઇંગ્લેન્ડ): MI London (પૂર્વે ઓવલ ઇન્વિન્સિબલ્સ)

આ રીતે મુંબઈ ઈન્ડિયન્સ હવે ગ્લોબલ ક્રિકેટ ફ્રેન્ચાઇઝી બ્રાન્ડ તરીકે પોતાનું સ્થાન વધુ મજબૂત કરી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ