બ્રેકિંગ ન્યુઝ
બ્રેકિંગ ન્યુઝ
VTV / મનોરંજન / બોલિવૂડ / ધર્મેન્દ્ર પ્રધાનના રાજીનામાથી બોલિવૂડમાં ખુશીની લહેર: સોનાક્ષીથી લઈને પ્રિયંકા ચોપરાએ આપી અનોખી પ્રતિક્રિયા!
6 ફોટો ગેલેરી
Last Updated: 12:22 AM, 26 July 2026
FOLLOW ON
શેર કરો
1/6
કેન્દ્રીય શિક્ષણ મંત્રી પદેથી ધર્મેન્દ્ર પ્રધાનના રાજીનામાના સમાચાર આવતા જ સોશિયલ મીડિયા પર પ્રતિક્રિયાઓનું પૂર આવ્યું છે. છેલ્લા એક મહિનાથી વધુ સમયથી NEET પેપર લીક મામલે દિલ્હીના જંતર-મંતર પર ચાલી રહેલા વિરોધ-પ્રદર્શન વચ્ચે આ નિર્ણય ખૂબ જ ચર્ચામાં રહ્યો છે. રાજીનામાની જાણકારી ખુદ ધર્મેન્દ્ર પ્રધાને શનિવારે સોશિયલ મીડિયા પ્લેટફોર્મ X પર શેર કરી હતી. આ નિર્ણયના થોડા જ કલાકોમાં વિદ્યાર્થીઓ અને પ્રદર્શનકારીઓની સાથે બોલિવૂડના અનેક કલાકારોએ પોતાની ખુશી વ્યક્ત કરી હતી. સોનાક્ષી સિંહા, પ્રિયંકા ચોપરા, વિજય વર્મા, પ્રાજક્તા કોલી, મલાઇકા અરોડા, ડાયના પેન્ટી, શિબાની અખ્તર, ટિસ્કા ચોપરા અને પ્રકાશ રાજ સહિતના સેલેબ્સે સોશિયલ મીડિયા પર વાયરલ પોસ્ટ્સ શેર કરી હતી.
આ તસવીર શેર કરો
2/6
ધર્મેન્દ્ર પ્રધાનના રાજીનામાની ખબર સામે આવતા જ સોનાક્ષી સિંહાએ પોતાની ઇન્સ્ટાગ્રામ સ્ટોરી પર તેનાથી જોડાયેલી પોસ્ટ શેર કરી હતી. તેમણે તાલી વગાડતી ઇમોજી સાથે પોતાની ખુશી વ્યક્ત કરી હતી. તે પછી તેમણે 'કોકરોચ જનતા પાર્ટી' (CJP) ના સ્થાપક અભિજીત દીપકેનો એક વીડિયો રીપોસ્ટ કર્યો હતો, જેમાં અભિજીત રાજીનામા પર પોતાની પ્રતિક્રિયા આપી રહ્યા હતા. આ વીડિયો સાથે સોનાક્ષી સિંહાએ લખ્યું, "ભાઈ આ શું કરી દીધું?!?!?"
આ તસવીર શેર કરો
3/6
બીજી તરફ, પ્રિયંકા ચોપરાએ પણ પોતાની ઇન્સ્ટાગ્રામ સ્ટોરી પર ધર્મેન્દ્ર પ્રધાનના રાજીનામાથી જોડાયેલો એક ન્યૂઝ રિપોર્ટ શેર કર્યો હતો અને કોઈ શબ્દો લખ્યા વિના માત્ર ઇમોજીસ દ્વારા પોતાની પ્રતિક્રિયા આપી હતી.
આ તસવીર શેર કરો
4/6
અભિનેતા વિજય વર્માએ પોતાના ઇન્સ્ટાગ્રામ એકાઉન્ટ પર ધર્મેન્દ્ર પ્રધાનની તસવીર શેર કરીને ફિલ્મ 'એ દિલ હૈ મુશ્કિલ'ના પ્રખ્યાત ગીત 'ચન્ના મેરેયા'ની લાઇન લખી: "અચ્છા ચલતા હૂં... દુઆઓં મેં યાદ રખના." તેમની આ ફેસબુક અને ઇન્સ્ટાગ્રામ પોસ્ટ ખૂબ ઝડપથી વાયરલ થઈ ગઈ હતી.
આ તસવીર શેર કરો
5/6
આ ઉપરાંત, કન્ટેન્ટ ક્રિએટર અને એક્ટ્રેસ પ્રાજક્તા કોલીએ કોમેન્ટ કરતા લખ્યું, "બિગ બિગ બિગ વિન!!!". મલાઇકા અરોડા, ડાયના પેન્ટી, શિબાની અખ્તર અને ટિસ્કા ચોપરાએ પણ આ નિર્ણયનું સ્વાગત કર્યું હતું.
આ તસવીર શેર કરો
6/6
શિક્ષણ મંત્રીનું રાજીનામું પ્રદર્શનકારીઓની મુખ્ય માંગણીઓમાંની એક હતું. આ સિવાય પ્રદર્શન કરી રહેલા વિદ્યાર્થીઓ અને CJP અન્ય 2 માંગણીઓ પણ ઉઠાવી રહ્યા હતા: NEET પેપર લીક બાદ આત્મહત્યા કરનારા વિદ્યાર્થીઓના પરિવારોને યોગ્ય વળતર આપવું.આંદોલનમાં સામેલ થયેલા વિદ્યાર્થીઓ સામે કોઈ પણ પ્રકારની કાનૂની કાર્યવાહી ન કરવી. કેન્દ્ર સરકાર તરફથી આ બંને મુદ્દાઓ પર અગાઉ જ આશ્વાસન આપી દેવામાં આવ્યું હોવાની માહિતી સામે આવી છે. હવે શિક્ષણ મંત્રીના રાજીનામા બાદ આંદોલનના આગામી ચરણ અને સરકારના ભવિષ્યના નિર્ણયો પર સૌની નજર ટકેલી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
