બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અમદાવાદના સમાચાર / આવતીકાલે ગુજરાતમાં ભારે વરસાદનું એલર્ટ, 10 જિલ્લામાં ભારે વરસાદની આગાહી, 13 જિલ્લામાં યલો એલર્ટ
5 ફોટો ગેલેરી
Last Updated: 11:00 PM, 25 July 2026
FOLLOW ON
શેર કરો
1/5
ગુજરાતમાં ચોમાસાએ જોર પકડ્યું છે અને રાજ્યના અનેક વિસ્તારોમાં સતત વરસાદી માહોલ જોવા મળી રહ્યો છે. હવામાન વિભાગ (IMD)ની નવી આગાહી મુજબ 25 જુલાઈથી 31 જુલાઈ દરમિયાન દક્ષિણ ગુજરાત, ઉત્તર ગુજરાત, મધ્ય ગુજરાત તેમજ સૌરાષ્ટ્રના વિવિધ જિલ્લાઓમાં ભારેથી અતિભારે વરસાદની શક્યતા વ્યક્ત કરવામાં આવી છે. ખાસ કરીને 25 જુલાઈના રોજ કેટલાક જિલ્લાઓ માટે અત્યંત ભારે વરસાદનું એલર્ટ જાહેર કરવામાં આવ્યું છે. આ દરમિયાન નીચાણવાળા વિસ્તારોમાં પાણી ભરાવા, નદી-નાળાઓમાં જળસ્તર વધવા અને વાહનવ્યવહાર પર અસર થવાની સંભાવના હોવાથી નાગરિકોને સાવચેતી રાખવા અપીલ કરવામાં આવી છે. આગામી દિવસોમાં વરસાદનું જોર યથાવત રહેવાની શક્યતા હોવાથી સ્થાનિક તંત્રને પણ જરૂરી તૈયારીઓ રાખવા સૂચના આપવામાં આવી છે.
આ તસવીર શેર કરો
2/5
ગુજરાતમાં સક્રિય થયેલી ચોમાસાની સિસ્ટમને પગલે હવામાન વિભાગે અનેક જિલ્લાઓ માટે વરસાદની આગાહી કરી છે. બોટાદ, અમરેલી, પાટણ, ગાંધીનગર, ખેડા, અમદાવાદ, આણંદ, વડોદરા, પંચમહાલ, ભરૂચ, સુરત, નવસારી, વલસાડ, દમણ અને દાદરા નગર હવેલીમાં છૂટાછવાયા સ્થળોએ ભારે વરસાદ વરસવાની શક્યતા વ્યક્ત કરવામાં આવી છે. જ્યારે વાવ-થરાદ, બનાસકાંઠા, મહેસાણા, સાબરકાંઠા, અરવલ્લી, દાહોદ, મહીસાગર અને ભાવનગર જિલ્લામાં હળવાથી મધ્યમ વરસાદની આગાહી કરવામાં આવી છે. ભારે વરસાદને ધ્યાનમાં રાખીને નીચાણવાળા વિસ્તારોમાં રહેતા લોકોને સાવચેત રહેવા તેમજ સ્થાનિક તંત્ર દ્વારા જાહેર કરવામાં આવતી સૂચનાઓનું પાલન કરવા અપીલ કરવામાં આવી છે.
આ તસવીર શેર કરો
3/5
હવામાન વિભાગે રાજ્યના અનેક જિલ્લાઓ માટે ભારે વરસાદની આગાહી સાથે એલર્ટ જાહેર કર્યું છે. સાબરકાંઠા, અરવલ્લી, દાહોદ, મહીસાગર, વડોદરા, છોટા ઉદેપુર, પંચમહાલ, ભરૂચ, નર્મદા, સુરત, નવસારી, તાપી, વલસાડ, ડાંગ, ભાવનગર, અમરેલી તેમજ દમણ અને દાદરા નગર હવેલીના કેટલાક વિસ્તારોમાં આગામી કલાકોમાં ભારે વરસાદ વરસી શકે છે. તંત્રે નીચાણવાળા વિસ્તારોમાં રહેતા લોકોને સાવચેત રહેવા, બિનજરૂરી મુસાફરી ટાળવા અને સ્થાનિક તંત્રની સૂચનાઓનું પાલન કરવાની અપીલ કરી છે.
આ તસવીર શેર કરો
4/5
હવામાન વિભાગના અનુમાન મુજબ રાજ્યના દક્ષિણ અને મધ્ય ગુજરાતના અનેક વિસ્તારોમાં વરસાદી માહોલ યથાવત રહેવાની શક્યતા છે. મહીસાગર, દાહોદ, પંચમહાલ, ખેડા, આણંદ, વડોદરા, છોટાઉદેપુર, ભરૂચ, નર્મદા, સુરત, તાપી, નવસારી, વલસાડ અને ડાંગ સહિતના જિલ્લાઓમાં ઘણા સ્થળોએ હળવાથી મધ્યમ વરસાદની સંભાવના વ્યક્ત કરવામાં આવી છે. બીજી તરફ ઉત્તર ગુજરાત તેમજ સૌરાષ્ટ્ર-કચ્છના કેટલાક વિસ્તારોમાં છૂટાછવાયા સ્થળોએ હળવો વરસાદ વરસી શકે છે. ખેડૂતો અને નાગરિકોને હવામાનની સ્થિતિને ધ્યાનમાં રાખીને જરૂરી સાવચેતી રાખવાની સલાહ આપવામાં આવી છે.
આ તસવીર શેર કરો
5/5
હવામાન વિભાગની આગાહી મુજબ મધ્ય અને દક્ષિણ ગુજરાતના મોટાભાગના જિલ્લાઓમાં કેટલાક સ્થળોએ હળવાથી મધ્યમ વરસાદની શક્યતા છે. ઉત્તર ગુજરાત અને સૌરાષ્ટ્રના વિસ્તારોમાં પણ છૂટાછવાયા સ્થળોએ વરસાદી માહોલ જોવા મળી શકે છે. ખાસ કરીને કચ્છ, મોરબી, જામનગર, દેવભૂમિ દ્વારકા અને રાજકોટ સહિતના વિસ્તારોમાં હળવાથી મધ્યમ વરસાદની આગાહી કરવામાં આવી છે. 30 જુલાઈના રોજ અમદાવાદ અને આણંદમાં પણ હળવો વરસાદ થવાની સંભાવના છે. રાજ્યના કેટલાક વિસ્તારોમાં વાદળછાયું વાતાવરણ રહેવાની સાથે તાપમાનમાં સામાન્ય ફેરફાર નોંધાઈ શકે છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
