લાપતા / કરીનાની નણંદની આજીજી ઉપર, લાપતા વૃષ્ટિને શોધવા પોલીસ ટીમ મહેસાણા રવાના

• મોબાઈલ લોકેશન મહેસાણાનું મળતા તપાસનો ધમધમાટ
• વૃષ્ટિનાં માતા-પિતા પોર્ટુગલથી અમદાવાદ આવવા માટે રવાના
• વૃષ્ટિના મિત્રો-પાડોશીઓ અને મોબાઇલ લોકેશનની તપાસ કરી

સોહાની અપીલ બાદ દેશભરના સોશિયલ મીડિયા પર વૃષ્ટિને શોધવા માટે અભિયાન થયું છે. વૃષ્ટિ અને તેનો મિત્ર શિવમ મહેસાણા પાસે હોવાની વિગતો મળતાં પોલીસની એક ટીમ તેમને શોધવા માટે ત્યાં રવાના થઇ છે, જ્યારે વૃષ્ટિનાં માતા-પિતા પોર્ટુગલમાં રહેતાં હોવાથી તે પણ અમદાવાદ આવવા માટે રવાના થયાં છે. 

પોર્ટુગલમાં રહે છે વૃષ્ટિના માતા પિતા
હાલ મળતી માહિતી પ્રમાણે અમદાવાદની વૃષ્ટિ સાથે તેનો મિત્ર શિવમ પટેલ પણ ગુમ થયો છે, જેના કારણે રહસ્ય વધુ ઘેરાયું છે. વૃષ્ટિ 23 વર્ષની છે અને તે ફેશન ડિઝાઇનર છે. તે વસ્ત્રાપુરમાં આવેલ બોડકદેવમાં રહે છે. વૃષ્ટિનાં માતા-પિતા પોર્ટુગલમાં રહે છે અને તેના ગુમ થવાની ફરિયાદ નવરંગપુરા પોલીસ સ્ટેશનમાં થઇ છે. 

Guys !
Please help out. VRUSHTI JASUBHAI has been missing for 2 days now and her phone has not been reachable since. She lives in AHEMDABAD, her parents are worried sick
Please help spread the word.
Contact number for any leads - +919099908230 pic.twitter.com/qpTSJLrZJF

— Soha Ali Khan (@sakpataudi) October 3, 2019

છેલ્લે વૃષ્ટિ શિવમ પટેલને મળવા ગઈ હતી
છેલ્લે વૃષ્ટિ શિવમ પટેલ નામના યુવકને મળવા ગઈ હતી ત્યારથી શિવમ પણ ગુમ છે. સોશિયલ મીડિયા પર વૃષ્ટિ અને શિવમની તસવીર સાથે શોધ અભિયાન શરૂ થયું છે. નવરંગપુરા પોલીસે બન્ને જણાંને શોધવા માટેનાં ચક્રો ગતિમાન કર્યાં છે. 

પોલીસે લોકેશન ચકાસ્યા
પોલીસ વૃષ્ટિના મિત્રો-પાડોશીઓ અને મોબાઇલ લોકેશનની તપાસ કરી રહી છે ત્યારે તેનું લોકેશન મહેસાણા બાજુનું આવ્યું છે. વૃષ્ટિને શોધવા માટે સોશિયલ મીડિયાના અભિયાને પણ ગતિ પકડી છે, પરંતુ પોલીસ હવે કયા પ્રકારની કામગીરી કરે છે તે જોવાનું રહ્યું, જોકે બંનેની ગુમ થયાની ફરિયાદ અલગ અલગ થઈ છે, જોકે બંને સાથે રિક્ષામાં બેસીને ગયાં હોવાની વિગત પોલીસ તપાસમાં ખૂલી છે.