- ગ્લુટાથિઓન ઇન્જેક્શન લેવાથી તમારી ત્વચા વધુ તેજસ્વી અને યુવાન બની શકે છે
- લોકો ગ્લુટાથિઓનની ઉણપને પૂરી કરવા માટે તેના ઇન્જેક્શન પણ લેવા લાગે છે
- કોઈપણ કોસ્મેટિક સારવારમાં ફાયદા અને ગેરફાયદા બંને હોય છે
Glutathione injection side effects: લોકો પોતાના ચહેરાની સુંદરતા વધારવા માટે ઘણા પ્રયત્નો કરે છે, પરંતુ આ એક કુદરતી પ્રક્રિયા છે કે વધતી ઉંમરની સાથે ત્વચા પર પણ અસર થાય છે. જેમાં ચહેરા પરની કરચલીઓ મુખ્ય નિશાની છે. જો કે, કેટલીકવાર અન્ય કારણોસર ત્વચા ઉંમર પહેલા જ ઢીલી થવા લાગે છે, જે કોઈપણ માટે સ્ટ્રેસની વાત હોય છે. લોકોને ચહેરાને યુવાન રાખવા અને રંગને સુધારવા માટે, લોકો ઘરેલું ઉપચાર અપનાવે છે તથા સારવાર પણ કરાવે છે. કરચલીઓ હોય કે ત્વચાનો ઘેરો રંગ, આ બધા માટે કોસ્મેટોલોજીમાં ઘણા વિકલ્પો ઉપલબ્ધ છે. આ પદ્ધતિઓમાંથી એક ગ્લુટાથિઓન ઇન્જેક્શન લેવું.
ગ્લુટાથિઓનનો ઉપયોગ કરવાનું વલણ નોંધપાત્ર રીતે વધ્યું છે. તેનો ઉપયોગ સ્કિન વાઇટનિંગ સ્પલીમેંટ તરીકે વિવિધ રીતે કરવામાં આવે છે. ગ્લુટાથિઓન ઇન્જેક્શન લેવાથી તમારી ત્વચા વધુ તેજસ્વી અને યુવાન બની શકે છે, પરંતુ તે તમારા સ્વાસ્થ્ય પર ઘણી મોટી આડઅસર પણ કરી શકે છે.
શું કામ કરે છે ગ્લૂટાથિયોન
ગ્લુટાથિઓનએ એક કુદરતી પદાર્થ છે જે આપણા લીવર દ્વારા કુદરતી રીતે ઉત્પન્ન થાય છે. આ એન્ટીઑકિસડન્ટો, જે શરીરમાં કુદરતી રીતે હાજર હોય છે, શરીરના ટિશ્યૂઓનું નિર્માણ અને રિપેરિંગ કરવુ, ફ્રી રેડિકલ્સ સામે રક્ષણ, ઇમ્યુનિટી મજબૂત કરવુ, કેન્સર વિરોધી એજન્ટના રુપમાં કામ કરવુ, એન્ટી ઓજિંગ, જેવા અનેક રીતના કામ કરે છે.
ગ્લૂટાથિયોનના ઇન્જેક્શન
વૃદ્ધત્વ સાથે, શરીરમાં ગ્લુટાથિઓનનું સ્તર ઘટવા લાગે છે, જેના કારણે તેની અસર ત્વચા પર પણ દેખાવા લાગે છે અને ઘણી વખત લોકો ગ્લુટાથિઓનની ઉણપને પૂરી કરવા માટે તેના ઇન્જેક્શન પણ લેવા લાગે છે. જે તમારી ત્વચાના રંગને નિખારવામાં અને તેને યુવાન રાખવામાં મદદરૂપ છે.
ગ્લૂટાથિઓનના સાઇડ ઇફેક્ટ
જો કોઈ પણ સંજોગોમાં ગ્લુટાથિઓનનો ડોઝ વધારે આપવામાં આવે તો દર્દીને કિડની ફેલ્યર, બ્લડ પોઈઝનીંગ જેવી મોટી આડઅસર થઈ શકે છે. આ ઉપરાંત, ઉબકા, ત્વચા પર ફોલ્લીઓ, એલર્જી, ઝાડા, વાળ ખરવા, શ્વાસ લેવામાં તકલીફ, છાતીમાં દુખાવો અથવા વજન વધવા જેવી બીજી ઘણી આડઅસરો થઈ શકે છે.
ડોક્ટરની સલાહ લો
કોઈપણ કોસ્મેટિક સારવારમાં ફાયદા અને ગેરફાયદા બંને હોય છે. એ જ રીતે, ગ્લુટાથિઓનના ઇન્જેક્શન લેવાથી પણ તમારા શરીર પર ઘણી આડઅસર થઈ શકે છે, પરંતુ તે તમે ક્યારે અને કેટલી માત્રામાં લઈ રહ્યા છો તેના પર નિર્ભર છે. તેની આડઅસરથી બચવા માટે, નિષ્ણાતની સલાહ લેવાની સાથે, આ સારવાર ફક્ત અનુભવી ડૉક્ટર દ્વારા જ કરાવવી જોઈએ.
Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.
