ફાઈનાન્સ / તો આવતા વર્ષથી તમે એકદમ સરળતાથી બિટકોઈનમાં પણ કરી શકશો રોકાણ, જાણો કેવી રીતે

1 જાન્યુઆરી 2016ના રોજ, બિટકોઇનની કિંમત લગભગ 28,820 રૂપિયા હતી, જે આ વખતે 22 ડિસેમ્બરના રોજ વધીને 16,80,817 રૂપિયા થઈ ગઈ છે. આ વર્ષ 2020ની વાત કરીએ તો આ વર્ષે રોકાણકારોને તેમાંથી 218 ટકા વળતર મળ્યું છે. આ વર્ષની શરૂઆતમાં 3 જાન્યુઆરીએ બિટકોઇનની કિંમત 5,27,263 રૂપિયા હતી. રોકાણકારો એવી અપેક્ષા રાખે છે કે તે હજી વધુ વૃદ્ધિ કરશે. આવી સ્થિતિમાં તેમાં રોકાણ ઝડપથી વધી રહ્યું છે.

2020 માં તેના ટ્રેડિંગ વોલ્યુમમાં ક્વાર્ટર-ઓન-ક્વાર્ટરમાં 270 ટકાનો વધારો થયો

દેશના સૌથી જૂના અને સૌથી વધુ ઉપયોગમાં લેવાતા બિટકોઇન અને ક્રિપ્ટો એસેટ એક્સચેંજ ઝેબપેના જણાવ્યા અનુસાર, આ વર્ષે, 2020 માં તેના ટ્રેડિંગ વોલ્યુમમાં ક્વાર્ટર-ઓન-ક્વાર્ટરમાં 270 ટકાનો વધારો થયો છે અને ટ્રેડિંગ વપરાશકર્તાઓની સંખ્યામાં 218 ટકાનો વધારો થયો છે. આ સિવાય એપ ડાઉનલોડ્સમાં 143 ટકાનો વધારો થયો છે.

ઝેબપે આગામી વર્ષે નવી સેવાઓ રજૂ કરવાની યોજના ધરાવે છે, જે અંતર્ગત રોકાણકારો SIP દ્વારા બિટકોઇન જેવી ક્રિપ્ટોકરન્સીમાં પણ રોકાણ કરી શકશે. 

બિટકોઇનમાં SIP દ્વારા રોકાણ કરી શકાશે

ઝેબપે અનુસાર, આવતા વર્ષે 2021માં, ક્રિપ્ટો કરન્સીમાં એક્સ્પોનેન્શ્યલ વૃદ્ધિ થઈ શકે છે. ઝેબપે આગામી વર્ષે ત્રણ નવી સેવાઓ શરૂ કરવાની યોજના ધરાવે છે. આ અંતર્ગત, નવી એપ્લિકેશન બિટકોઇન શરૂ કરવામાં આવશે, જેના દ્વારા વપરાશકર્તાઓને ફક્ત એક જ ક્લિકથી લાખો રોકાણકારોને બિટકોઈનમાં રોકાણ કરવાની સુવિધા મળશે. 

ઝેબપે આગામી વર્ષે ઝેબ્રા ટોકન્સ લોન્ચ કરવાની યોજના ધરાવે છે, જેના દ્વારા ક્રિપ્ટો કરન્સીનું મોટું બજાર રોકાણકારોની સામે ખુલશે. ઝેબપે આગામી વર્ષે તેના ક્રિપ્ટો હોલ્ડિંગના આધારે SIP, પેસિવ ઇન્કમ અને ક્રિપ્ટો બોરોઇંગ જેવી નાણાકીય સેવાઓ શરૂ કરવાની પણ યોજના ધરાવે છે.

1 ટકાથી ઓછા બિટકોઈન ભારતીયો પાસે 

દુનિયાભરમાં બિટકોઇન તરફનો ક્રેઝ વધી રહ્યો છે. ભારતીયો પણ આનાથી અલગ નથી. આમ હોવા છતાં, વિશ્વમાં હાલમાં એક ટકા કરતા પણ ઓછા બિટકોઇન્સ ભારતીય લોકો સાથે છે. ઝેબપેએ આશા વ્યક્ત કરી છે કે આવતા વર્ષે 2021માં, ઘણી સંસ્થાઓ અને સરકારી અધિકારીઓ આને માન્યતા આપશે, જે બિટકોઇન ગેપ ઘટાડવામાં મદદ કરશે. 

ઝેબપે કહે છે કે તેઓ બિટકોઈન પર વ્યવસ્થિત નિયમનકારી માળખા તૈયાર કરવા માટે નીતિનિર્માતાઓનો સંપર્ક કરશે. ભારતીય રોકાણકારોનો ટ્રેન્ડ હવે બિટકોઇનને તેમના લાંબા ગાળાના પોર્ટફોલિયોમાં સમાવવા માટે વધી રહ્યો છે.

ક્રિપ્ટોકરન્સી વ્યાપારને સુપ્રીમ કોર્ટે આપી છે મંજૂરી

બે વર્ષ પહેલા, રિઝર્વ બેંક ઓફ ઇન્ડિયા (RBI) એ ક્રિપ્ટોકરન્સી અંગે 6 એપ્રિલ 2018 ના રોજ એક પરિપત્ર બહાર પાડ્યો હતો. આ પ્રમાણે RBI દ્વારા નિયમનકારી તમામ સંસ્થાઓને ક્રિપ્ટોકરન્સી સંબંધિત કોઈપણ સેવાઓ પ્રદાન કરવા પર પ્રતિબંધ મૂકવામાં આવ્યો હતો. 

જો કે, આ મુદ્દો સુપ્રીમ કોર્ટમાં ગયો હતો અને આ વર્ષે માર્ચ 2020માં કોર્ટે RBI દ્વારા ક્રિપ્ટોકરન્સી પર લગાવવામાં આવેલા પ્રતિબંધને ફગાવી દીધો હતો. ભારતમાં બિટકોઇનને લઈને હજી સુધી કોઈ નિર્ધારિત નિયમો નથી અને તેનાથી સંબંધિત કોઈ નિયમો અથવા દિશાનિર્દેશો નથી કે જેથી બિટકોઇન્સ ટ્રાન્ઝેક્શનમાં વિવાદોનું સમાધાન થઈ શકે. આમ, બિટકોઇનમાં રોકાણ કરવાનો નિર્ણય સંપૂર્ણપણે રોકાણકારોના જોખમે છે.