ગુજરાતીનું ઘર હોય અને ઘરમાં મમરા ન હોય તેવું બને જ નહીં. દરેક ગુજરાતી ઘરમાં મમરાને વધારીને ડબ્બો ભરેલો હોય જ છે. જો તમે પણ એક જ સિમ્પલ મમરા ખાઈને કંટાળ્યા છો તો તમે લસણિયા મમરા ઘરે જ બનાવી શકો છો.
રેસિપી
સામગ્રી
અડધું પેકેટ મમરા
પા કપ તેલ
સ્વાદ અનુસાર શીંગદાણા
અડધી ચમચી હિંગ
મીઠા લીમડાના પાન
4 નંગ લીલા મરચા
અડધી ચમચી હળદર
1 ચમચી લાલ મરચું
1 ચમચી સંચળ
1 ચમચી લસણ પાવડર કે પેસ્ટ
રીત
એક કઢાઈમાં તેલ ગરમ કરો. તેમાં હિંગ નાંખીને શિંગદાણા સાંતળી લો. તેમાં મરચાંની કતરણ અને મીઠો લીમડો નાંખો. જો સૂકો લસણનો પાવડર ન હોય તો લસણની પેસ્ટ પણ નાંખી શકો છો. લસણનો લાલ રંગ બ્રાઉન થશે. હવે તેમાં હળદર મિક્સ કરો. હવે મમરા મિક્સ કરો. ફ્લેવર માટે જીરાળુ પણ મિક્સ કરી લો. પાંચ મિનિટ સુધી મમરા હલાવતા રહો. તે ઠંડા થાય એટલે એરટાઈટ ડબ્બામાં ભરીને કોઈ પણ સમયે તેની મજા માણો.
નોંધ- જો તમને નાયલોન સેવ પસંદ હોય તો તમે આ મમરામાં તેને પણ મિક્સ કરી શકો છો.