આસ્થા / શિવલિંગ પર જળાભિષેક કરો ત્યારે ઘરેથી આ 5 અનાજ પણ લેતા જાઓ: ઘરમાં આવશે સુખ-સમૃદ્ધિ

• હિંદૂ ધર્મમાં શિવલિંગ પૂજાનું ખાસ મહત્વ 
• શિવલિંગ પર શ્રદ્ધાથી અર્પિત કરો આ વસ્તુઓ 
• ભગવાન શિવ પ્રસન્ન થઈ આપશે આશીર્વાદ 

હિંદૂ ધર્મમાં શિવલિંગ પૂજાનું ખૂબ જ મહત્વ છે. પૂજા વખતે શિવલિંગ પર દૂધ, દહીં, મધ, પુષ્પ, ધતુરા, બિલિપત્ર વગેરે સહિત ઘણી વસ્તુઓ ચડાવવામાં આવે છે. તેમાંથી એક છે 'શિવા મુઠ્ઠી' જેમાં પાંચ પ્રકારના અનાજ શિવલિંગ પર અર્પિત કરવાનું ખાસ વિધાન છે. આ પાંચ પ્રકારના અનાજ કયા છે આવો જાણીએ 

શિવલિંગ પર ચડાવો અક્ષત 
શિવલિંગ પર ચોખા ચડાવવા ખૂબ જ શુભ માનવામાં આવે છે. ચોખા ચડાવવાથી ધન સાથે જોડાયેલી સમસ્યાઓ દૂર થાય છે. ચોખા ચડાવવાથી આર્થિક સ્થિતિ સુધરવા લાગે છે. તંગી, દેવુ વગેરે મુશ્કેલીઓ દૂર થવા લાગે છે. ધ્યાન રાખો કે ચોખાના દાણા આખા હોવા જોઈએ. તૂટેલા નહીં. 

શિવલિંગ પર ચડાવો તુવેરની દાળ 
શિવજીને એક મુઠ્ઠી તુવેરની દાળ ચડાવવાથી સુખની પ્રાપ્તિ થાય છે. જીવનમાં સમૃદ્ધિ અને સંપન્નતાનો વાસ થાય છે. પીળી તુવેર દાળ ચડાવવાથી બુધ ગ્રહ પણ મજબૂત થાય છે. પીળી તુવેર દાળ ચડાવવાથી નોકરીમાં સફળતા મળે છે. 

શિવલિંગ પર ચડાવો કાળા તલ 
શિવલિંગ પર કાળા તલ ચડાવવા લાભકારી માનવામાં આવે છે. કાળા તલ ચડાવવાથી પિતૃ દોષ શાંત થાય છે. કાળા તલ ચડાવવાથી પિતૃઓના આશીર્વાદ મળે છે. રાહુનો દુષ્પ્રભાવ પણ ઘરથી ખતમ થવા લાગે છે. 

શિવલિંગ પર ચડાવો ઘઉં
શિવલિંગ પર ઘઉં ચડાવવાથી સાંસારિક સુખ પ્રાપ્ત થાય છે. માતા અન્નપૂર્ણાનો વાસ ઘરમાં બની રહે છે. તેના ઉપરાંત, સંતાન સુખની પ્રાપ્તિ થાય છે. શિવલિંગ પર ઘઉં ચડાવવાથી વિવાહની બાધા દૂર થા છે. વૈવાહિક દંપત્તિને શિવલિંગ પર ઘઉં જરૂર પડાવવા જોઈએ. 

શિવલિંગ પર ચડાવો મગની દાળ 
શિવલિંગ પર મગ દાળ ચડાવવાથી નકારાત્મક ઉર્જા નષ્ટ થાય છે. કોઈ પણ કામમાં આવી રહેલી મુશ્કેલીઓ દૂર થવા લાગે છે. કામ સફળતાની સાથે પુરૂ થાય છે. તેનો લાભ મળે છે. 

તમે પણ ભગવાન શિવને પ્રસન્ન કરવા માટે તેમની કૃપા મેળવવા માટે શિવલિંગ પર 'શિવા મુઠ્ઠી' એટલે કે પાંચ પ્રકારના અનાજ અર્પિત કરી શકો છો.