ખેડા / ઠાસરામાં પાણીપુરી લેવા નીકળેલા પિતા-પુત્રનું કંપારી છૂટી જાય તેવું મોત, બે બાઈક સામસામે ટકરાતાં 3નો ગયો જીવ, એક ગંભીર

• સુરત નેશનલ હાઈવે પર ટેમ્પો પલ્ટી ખાતા 4 લોકો ઈજાગ્રસ્ત 
• ખેડાના ઠાસરાના કંથરાઈ નવા કુવા રોડ પર અકસ્માતમાં 3 ના મોત
• S.P રિંગ રોડ પાસે ઓગણજ સર્કલ નજીક અકસ્માતમાં 3 લોકો ઘાયલ

સુરત નેશનલ હાઈવે નં. 48 પર સાંજના સુમારે અચાનક જ બેન્ડ બાજાને ટેમ્પો પલ્ટી ખાઈ ગયો હતો. અચાનક કોસંબા નજીક ટેમ્પાની ચેસીસ તૂટી જતા ટેમ્પો પલ્ટી ખાઈ ગયો હતો. જેથી ટેમ્પામાં સવાર વ્યક્તિઓને ઈજાઓ પહોંચતા તેઓને તાત્કાલિક સારવાર અર્થે ખસેડાયા હતા.

108 મારફતે ઘાયલોને સારવાર અર્થે ખસેડાયા
સુરત નેશનલ હાઈવે પર બેન્ડ વાજાની ટીમ લઈને જઈ રહેલ ટેમ્પાની ચેસીસ અચાનક તૂટી જતા ટેમ્પામાં સવાર બેન્ડ વાજાના 15 કર્મચારીઓને નાની મોટી ઈજાઓ પહોંચવા પામી હતી. ત્યારે અકસ્માતમાં 4 વ્યક્તિને ગંભીર ઈજાઓ પહોંચતા તેઓને તાત્કાલી 108 મારફતે સારવાર અર્થે ખસેડવામાં આવ્યા હતા. ત્યારે ટેમ્પાની ચેસીસ તૂટી જતા ટેમ્પામાં બેન્ડવાજાનો સામાન કર્મચારીઓ પર પડતા કર્મચારીઓને ઈજાઓ પહોંચી હતી.

પિતા અને નાના માસૂમ દીકરાનું ઘટનાસ્થળે જ મૃત્યુ
ખેડાનાં ઠાસરાનાં કંથરાઈ નવા કુવા રોડ પર અકસ્માત સર્જાયો હતો.  જેમાં બે બાઈક સામ સામે ટકરાતા 3 લોકોનાં મૃત્યું થયા હતા. જેમાં પિતા અને નાના માસુમ દીકરાનું ઘટના સ્થળે જ મોત નિપજ્યું હતું. જ્યારે અન્ય એક વ્યક્તિને ગંભીર ઈજાઓ પહોંચી હતી. ત્યારે નવાકૂવાથી પિતા-પુત્ર પાણીપુરી લેવા નીકળ્યા હતા.
બેકાબૂ કાર ચાલક સામેથી આવી ટ્રક સાથે અથડાઈ
એસ.પી. રીંગ રોડ પાસે ઓગણજ સર્કલ નજીક પણ અકસ્માત સર્જાયો હતો. જેમાં બેકાબુ કાર ચાલક સામેથી આવી રહેલ ટ્રક સાથે અથડાયો હતો. જેમાં 3 લોકો ગંભીર રીતે ઈજાગ્રસ્ત થયા હતા.