કારગિલ વિજય દિવસ / ભારત સામે બે વખત યુદ્ધ લડવા પહોંચ્યો હતો આ પાકિસ્તાની ક્રિકેટર, કાશ્મીરમાં મિત્રોને ફોન કરીને જુઓ શું કહ્યું

• કારગિલની જંગ 60 દિવસથી પણ વધુ ચાલી હતી
• આ જંગમાં ભારતના 527 જવાન શહીદ થયા હતા
• મરશું તો સાથે મરશું. જોઈ લેશું બધાને - શોએબ અખ્તર

દેશ આજે કારગિલ વિજય દિવસ મનાવી રહ્યો છે. 23 વર્ષ પહેલા ભારતીય સેનાએ કારગિલ યુધ્ધમાં પાકિસ્તાનને જડબાતોડ જવાબ આપ્યો હતો. કારગિલની જંગ 60 દિવસથી પણ વધુ ચાલી હતી. આ જંગને 'વિજય ઓપરેશન' નામ આપવામાં આવ્યું હતું. જો કે આ જંગમાં ભારતના 527 જવાન શહીદ થઈ ગયા હતા. 

જો કે આ જંગથી રમત અને ખાસ કરીને ક્રિકેટ પણ અછૂત નહતું રહ્યું. બંને દેશોના ખેલાડીઓ એ આ જંગ પર ઘણી ટીપ્પણીઓ કરી હતી. એમાંના જ એક છે પાકિસ્તાનના પૂર્વ બોલર શોએબ અખ્તર. એમને બે વર્ષ પહેલા એક પાકિસ્તાની ન્યુઝ ચેનલ એઆરવાઈ પર કહ્યું હતું કે એ સમયે તેઓ બે વખત ભારત સામે કારગીલ જંગ લડવા માટે ગયા હતા પણ એમને મોકો નહતો આપવામાં આવ્યો. 

શોએબ અખ્તરે કહ્યું હતું કે, ' મારી દેશભક્તિ પર કોઈએ શંકા ન કરવી જોઈએ, લોકોને ખબર નથી પણ એ સમયે હું નોટિઘમ કાઉન્ટી ક્લબમાં હતો અને મારો પોણા બે લાખ પાઉન્ડનો એક કરાર થયો હતો. 2002માં આનાથી પણ મોટો કરાર થયો હતો પણ જ્યારે કારગિલ યુધ્ધ થયું તો હું બધુ છોડીને ભાગી આવ્યો હતો.' 

'હું એ સમયે લાહોરમાં આવીને ઊભી ગયો હતો. હાજી જનરલ મારી સાથે આવ્યા અને મને પૂછ્યું કે હું અહિયાં શું કરી રહ્યો છું. એ સમયે મેં કહ્યું હતું કે અહિયાં જંગ ચાલુ થવાની છે. મરશું તો સાથે મરશું. જોઈ લેશું બધાને. હું એ સમયે કાઉન્ટી સિજન છોડીને આવ્યો હતો. બે વખત જંગમાં ભાગ લેવા માટે પંહોચ્યો હતો. ' 

"Had turned down a heavy county cricket contract to fight Kargil War." Just make him the PM already! pic.twitter.com/zaAgQqhRu3

— Naila Inayat (@nailainayat) August 6, 2020

ભારત સમએ જંગ લડવા માટે કાશ્મીરમાં શોએબ અખ્તરે તેના મિત્રને ફોન કરીને કહ્યું હતું કે 'હથિયાર તૈયાર રાખો હું આવી ગયો છું. એ સમયે માંરી પત્નીએ હાથ જોડી અને કસમ આપીને મને રોકી લીધો હતો. ભારતે હુમલો કર્યો અને ઘણું નુકશાન પણ થયું હતું. સવારે ઊઠીને આ સમાચાર સાંભળ્યા તો મને ચક્કર આવવા લાગ્યા હતા. એ સમયે મારી પત્ની એ મને સંભાળ્યો હતો.'