પિક્ચર અભી બાકી હૈ / મહારાષ્ટ્રમાં ભલે રાષ્ટ્રપતિ શાસન લાગુ થયું છતાં આ રીતે સરકાર બની શકે છે

• મહારાષ્ટ્રમાં રાષ્ટ્રપતિ શાસન લાગુ
• શિવસેના-એનસીપી-કોંગ્રેસ પાસે સરકાર રચવાનો વિકલ્પ ખુલ્લો 
• રાજ્યપાલ રાષ્ટ્રપતિ શાસન ખતમ કરવા અંગે કરી શકે ભલામણ 

આ માટે રાજકીય પક્ષોએ રાજ્યપાલને ખાતરી આપવી પડશે કે તેમની પાસે બહુમતીનો આંકડો છે. આ પછી પણ, તે રાજ્યપાલ પર નિર્ભર રહેશે કે તેઓ રાષ્ટ્રપતિને સરકાર બનાવવા માટે રાજ્યમાંથી રાષ્ટ્રપતિ શાસન હટાવીને  સરકાર બનાવવા આમંત્રણ આપે છે કે નહીં.

મુખ્યમંત્રી પદને લઇને રાજકીય કોકડું ગુંચવાયું

આપને જણાવી દઈએ કે 24 ઑક્ટોબરે મહારાષ્ટ્ર વિધાનસભાની ચૂંટણીઓનાં પરિણામો આવ્યા ત્યારે ભાજપ-શિવસેના ગઠબંધનને સ્પષ્ટ બહુમતી મળી. પરંતુ મુખ્યમંત્રી પદ ઉપર શિવસેનાની વળગી અને સરકારમાં 50-50 ફોર્મ્યુલાને કારણે સરકારની રચના થઈ શકી નહીં. રાજ્યપાલ કોશિયારીને મહારાષ્ટ્રમાં સરકાર બનાવવાનું આમંત્રણ આપ્યું હોવા છતાં ભાજપ પાછળ હટ્યું છે.

શિવસેના નક્કી કરેલા સમયમાં ન આપી શકી સમર્થન પત્ર

બીજી બાજુ શિવસેના નક્કી કરેલા સમયમાં 145 ધારાસભ્યોના સમર્થન પત્ર રાજ્યપાલને સોંપી ન શકી. જેના પગલે ગવર્નરે મહારાષ્ટ્રની ત્રીજી સૌથી મોટી પાર્ટી NCPને સરકાર બનાવવા આમંત્રણ આપ્યું હતું. પરંતુ સમયથી પહેલાં જ રાજ્યમાં રાષ્ટ્રપતિ શાસન લાગુ કરવાની ભલામણ કરી દેવામાં આવી. રાજ્યપાલે કહ્યું મહારાષ્ટ્રમાં કોઈ પણ રાજકીય પાર્ટી સરકાર બનાવવાની સ્થિતિમાં નથી. આવામાં કલમ 356 હેઠળ રાષ્ટ્રપતિ શાસન લાગુ કરવામાં આવે. 

રાજ્યપાલ રાષ્ટ્રપતિ શાસન ખતમ કરવા અંગે કરી શકે ભલામણ 

મહારાષ્ટ્રમાં ભલે રાષ્ટ્રપતિ શાસન લાગુ થઈ ગયુ હોય પરંતુ તેનો મતલબ એ નથી કે મહારાષ્ટ્રમાં સરકાર બનવાનો રસ્તો બંધ થઈ ગયો છે. રાષ્ટ્રપતિ શાસન લાગુ થયા બાદ જો હવે કોંગ્રેસ, ભાજપ, એનસીપી અને કોંગ્રેસમાંથી કોઈ પણ પાર્ટી રાજ્યપાલની પાસે સરકાર બનાવવા માટે જાય છે અને રાજ્યપાલને વિશ્વાસ અપાવવામાં સફળ રહે છે કે તેમની પાસે બહુમતના આંકડા છે. તો આવી સ્થિતિમાં રાજ્યપાલ રાષ્ટ્રપતિ શાસનને ખતમ કરવાની ભલામણ કરી શકે છે. 

શિવસેના-એનસીપી-કોંગ્રેસ પાસે વિકલ્પ ખુલ્લો 

જો કે તે રાજ્યપાલ પર નિર્ભર રહેશે કે સરકાર બનાવવાનો દાવો કરનારી પાર્ટીથી સમર્થન પત્ર માંગે છે કે પછી બહુમતનો આંકડો જોવા માટે ધારાસભ્યોની પોતાની સામે પરેડ પણ કરાવી શકે છે. આવામાં હજુ પણ શિવસેના-એનસીપી-કોંગ્રેસ પાસે હજુ પણ વિકલ્પ છે પરંતુ તેની માટે તેમણે બહુમતનો આંકડો સાબિત કરવાનો રહેશે.