ધર્મ / શત્રુઓ પર વિજય મેળવવો છે? તો રોજ ઘરે બેઠાં કરો આ મંત્રનો જાપ, જાણો શું છે તેનું મહત્વ અને અર્થ

• સનાતન ધર્મમાં ॐ नमः शिवाय મંત્રનું વિશેષ મહત્ત્વ
• આ મંત્ર શુભતાનું પ્રતિક માનવામાં આવે છે
• આ મંત્રજાપ કરવાથી શારીરિક તથા માનસિક પરેશાની દૂર થાય છે

સનાતન ધર્મમાં ॐ नमः शिवाय મંત્રનું વિશેષ મહત્ત્વ છે. કહેવામાં આવે છે કે, આ મંત્રનો જાપ કરવાથી જીવનના તમામ કષ્ટ દૂર થાય છે. શારીરિક તથા માનસિક પરેશાની દૂર થાય છે અને શાંતિ મળે છે. આ મંત્ર શુભતાનું પ્રતિક માનવામાં આવે છે. આ મંત્રનો ઈતિહાસ વર્ષો જૂનો છે, જેની શોધ કરવી ખૂબ જ મુશ્કેલ છે. ભારતમાં ॐ नमः शिवाय મંત્ર કરતા વધુ પ્રસિદ્ધ મંત્ર વિશે વિચારવું પણ મુશ્કેલ છે. આ મંત્ર વિશે અહીંયા વિગતવાર જણાવવામાં આવ્યું છે. 

ॐ नमः शिवाय મંત્રનો અર્થ
બ્રહ્માંડ પહેલા કંપન અને શુદ્ધ અસ્તિત્વ હતું. કંપનના કારણે ઓમની ધ્વનિ ઉત્પન્ન થઈ અને ત્યારપછી બ્રહ્માંડનું નિર્માણ થયું. 
नमः- નમન કરવું
शिवाय:- શિવ અથવા આંતરિક સ્વ

આ કારણોસર ॐ नमः शिवाय મંત્રનો અર્થ છે કે, હું શિવને નમન કરું છું. આ કારણોસર આ મંત્રનો વિસ્તારપૂર્વક અર્થ છે કે, ભગવાન શિવ તમામ લોકોમાં ચેતના તરીકે બિરાજમાન છે, જેથી સ્વને નમન કરવું. 

ॐ नमः शिवाय મંત્રનું મહત્ત્વ
ધાર્મિક માન્યતા અનુસાર ॐ नमः शिवाय મંત્ર અહંકાર અને શત્રુઓને શાંત કરે છે. જે યોગ્ય માર્ગ બતાવે છે અને મનમાંથી ચિંતા દૂર થાય છે. માનવામાં આવે છે કે, આ મંત્ર નકારાત્મક ગ્રહનો દુષ્પ્રભાવ દૂર કરે છે.

ॐ नमः शिवाय મંત્ર વરદાન સમાન છે. નિયમિતરૂપે આ મંત્રનો જાપ કરવાથી અદ્ભુત પરિણામ પ્રાપ્ત થાય છે. સોમવારનો દિવસ ભગવાન શિવને સમર્પિત હોવાથી સોમવારથી આ મંત્રજાપની શરૂઆત કરવી જોઈએ.