એક્શન / તંત્રની બેદરકારી છતી થઈ! રાજકોટની ઘટના બાદ ગુજરાતમાં 25થી વધુ ગેમઝોન કરાયા બંધ

દાહોમાં અલગ-અલગ ઠેકાણે અધિકારીઓની ટીમ ત્રાટકી હતી અને નિયમો નેવે મુકી ચાલતા ગેમ ઝોન સામે કાર્યવાહી હાથ ધરી હતી. અહીં છ જેટલા પોકેટ ગેમ ઝોન સીલ કરી દેવાયા હતા

તે જ રીતે ભાવનગરમાં પણ મહાનગર પાલિકાની ટીમ દ્વારા અલગ-અલગ ગેમ ઝોન પર તપાસ હાથ ધરવામાં આવી હતી અને ફાયર સેફટી વગર ચાલતા ગેમ અલગ-અલગ ગેમ ઝોન સામે કાર્યવાહી કરાઇ હતી

ફાયર સેફ્ટી સહિતના નિયમોનું પાલન થાય છે કે નહીં તેની ચકાસણી માટે નવસારીમાં પણ અધિકારીઓની ટીમ અલગ-અલગ ગેમ ઝોન પર પહોંચી હતી..અહીંના ફન કિડ્ડો નામથી ચાલતા ગેમઝોન પર અધિકારીઓએ પહોંચી નિયમોનું પાલન થાય છે કે કેમ તેની ચકાસણી કરી હતી

એ જ રીતે સુરેન્દ્ર નગરમાં પણ અધિકારીઓએ ચેકિંગ હાથ ધર્યુ હતું. અને ફાયરસેફ્ટી વગર ચાલતા ગેમ ઝોનને તાત્કાલીક ધોરણે બંધ કરાવ્યા હતા

ગીર-સોમનાથના વેરાવળ ખાતે પણ અધિકારીઓએ વિવિધ ગેમ ઝોન પર ચેકિંગ હાથ ધર્યુ હતું. અને ફાયર સેફ્ટી વગર ચાલતા ગેમ ઝોન સામે કાર્યવાહી શરૂ કરી હતી.

આમ રાજ્યભરમાં નિયમોને નેવે મુકીને ચાલતા ગેમ ઝોન સામે કડક કાર્યવાહી હાથ ધરવામાં આવી છે જો કે હાલ તો આ કાર્યવાહી ઘોડા છૂટી ગયા પછી તબેલાને તાળા મારવા જેવી જણાઇ રહી છે.