આગાહી / આ તારીખો દરમ્યાન ગુજરાતમાં થશે ચોમાસાની એન્ટ્રી, નર્મદા સહિતની નદીઓના વધશે જળસ્તર: અંબાલાલ પટેલ

ગુજરાતમાં એક બાજુ ગરમી ગાભા કાઢી રહી છે. કાળઝાળ ગરમીના પગલે લોકોની હાલત ખરાબ થઈ ગઈ છે. તો બીજી તરફ ચોમાસાને લઈને એક સમાચાર સામે આવ્યા છે. જી હાં રાજ્યમાં આ વર્ષે ચોમાસુ વહેલુ આવશે. હવામાન નિષ્ણાંત અંબાલાલ પટેલ દ્વારા ચોમાસાને લઈને મોટી આગાહી કરવામાં આવી છે. ચોમાસાને લઈને હવામાન નિષ્ણાંત અંબાલાલ પટેલે જણાવ્યું હતું કે 8 જૂન દરિયામાં પવન ફૂંકાશે અને મે મહિનાના અંતમાં અરબસાગરમાં હલચલ જોવા મળશે.

8 થી 14 જૂન દરમિયાન વરસાદની શક્યતા

અંબાલાલ પટેલના જણાવ્યા અનુસાર, 8 જૂન દરિયામાં પવન ફૂંકાશે અને મે મહિનાના અંતમાં અરબસાગરમાં હલચલ જોવા મળશે અને ત્યારબાદ ધીરેધીરે ચોમાસુ આગળ વધશે. મતલબ કે અંબાલાલના જણાવ્યા અનુસાર 8 થી 14 જૂન દરમિયાન વરસાદની શક્યતા વ્યક્ત કરવામાં આવી છે.

વધુમાં અંબાલાલે જણાવ્યું કે 14 થી 28 જૂન દરમિયાન વરસાદ નોંધાશે. તો સાથે સાથે દેશમાં ઘણા ભેગોમાં પૂરની શક્યતા પણ શક્યતા વ્યક્ત કરવામાં આવી છે. નર્મદા, સાબરમતી, તાપી નદીના જળસ્તરમાં વધારો થશે. 4 જૂન સુધીમાં દક્ષિણ ગુજરાતના કેટલાક ભાગોમાં વરસાદ થવાની આગાહી અંબાલાલ દ્વારા કરવામાં આવી છે.