શ્રીલંકાની ક્રિકેટ ટીમને શુક્રવારે મોટો ઝટકો લાગ્યો જ્યારે તેના એક પ્રતિભાશાળી ઓલરાઉન્ડરે ટીમમાંથી અલગ થવાનો નિર્ણય લીધી.
શેહન જયસૂર્યાએ શ્રીલંકા ક્રિકેટ છોડવાનો નિર્ણય લીધો છે. આ માહિતી તેણે શ્રીલંકા ક્રિકેટ બોર્ડને માહિતી આપી છે. શેહન જયસૂર્યાએ બોર્ડને કહ્યું કે તે દેશ છોડીને અમેરિકા સ્થાયી થઈ રહ્યો છે. શેહન પોતાના સંપૂર્ણ પરિવાર સાથે શ્રીલંકા છોડી રહ્યો છે.
શેહન જયસૂર્યાએ શ્રીલંકા માટે 30 આંતરરાષ્ટ્રીય મેચ રમી છે
નોંધનીય છે કે શેહન જયસૂર્યાએ શ્રીલંકા માટે 30 આંતરરાષ્ટ્રીય મેચ રમી છે. શેહને 12 વન ડે અને 18 ટી 20 મેચોમાં ભાગ લીધો છે. શેહને વન ડેમાં અડધી સદી ફટકારી છે. તે જ સમયે, આ બેટ્સમેને ડોમેસ્ટિક ક્રિકેટમાં 21 સદી ફટકારી છે.
ગયા વર્ષે પાકિસ્તાન સામે 96 રન બનાવ્યા હતા
29 વર્ષીય શેહન જયસૂર્યાએ ગયા વર્ષે જ્યારે પાકિસ્તાન સામે 96 રન બનાવ્યા ત્યારે તે ચર્ચામાં આવ્યો હતો. શ્રીલંકાની ટીમે ફક્ત 28 રનમાં 5 વિકેટ ગુમાવી દીધી હતી, પરંતુ આ બેટ્સમેને જબરજસ્ત બેટિંગ કરતા તમામના દિલ જીતી લીધા હતા. શેહને દસુન શનાકા સાથે 177 રનની ભાગીદારી નોંધાવી હતી.
ઘણા ક્રિકેટ ખેલાડીઓએ પોતાનો દેશ છોડીને અમેરિકા સ્થાયી થવાનું નક્કી કર્યું છે
તમને જણાવી દઈએ કે છેલ્લા કેટલાક મહિનાઓમાં ઘણા ક્રિકેટ ખેલાડીઓએ પોતાનો દેશ છોડીને અમેરિકા સ્થાયી થવાનું નક્કી કર્યું છે. તેમાં કોરી એન્ડરસન, સામી અસલમ, ડેન પીટ શામેલ છે. તે જ સમયે, રસ્ટી થેરોન પહેલેથી જ અમેરિકા માટે ડેબ્યુ કરી ચૂક્યો છે.