ન્યૂઝ અપડેટ્સ
ન્યૂઝ અપડેટ્સ
7 ફોટો ગેલેરી
Last Updated: 02:32 PM, 30 October 2026
FOLLOW ON
શેર કરો
1/7
જ્યોતિષશાસ્ત્રમાં શનિદેવને કર્મ પ્રમાણે ફળ આપનાર ગ્રહ માનવામાં આવે છે. શનિની ચાલમાં ફેરફાર થાય ત્યારે તેની અસર તમામ 12 રાશિઓ પર જોવા મળે છે. હવે 11 ડિસેમ્બર 2026ના રોજ શનિદેવ વક્રી અવસ્થામાંથી બહાર આવીને માર્ગી થવાના છે. તેઓ લગભગ 241 દિવસ સુધી સીધી ચાલ ચાલશે. આ સમય મકર, તુલા અને વૃષભ રાશિના જાતકો માટે ખાસ સારો રહી શકે છે. આ ત્રણ રાશિના લોકોને અટકેલા કામમાં સફળતા મળવાની સાથે કરિયર અને આર્થિક સ્થિતિમાં પણ સુધારો થવાની શક્યતા છે.
આ તસવીર શેર કરો
2/7
જ્યોતિષીય ગણતરી પ્રમાણે 11 ડિસેમ્બર 2026ના રોજ શનિદેવ માર્ગી થશે. ત્યારબાદ 9 ઓગસ્ટ 2027 સુધી તેઓ સીધી ચાલ ચાલશે. એટલે કે શનિદેવ લગભગ 241 દિવસ સુધી માર્ગી અવસ્થામાં રહેશે.આ પહેલાં શનિદેવ લગભગ 138 દિવસ સુધી વક્રી અવસ્થામાં રહેશે. જ્યોતિષમાં શનિની વક્રી ચાલ દરમિયાન કામમાં વિલંબ, વધતી જવાબદારીઓ અને જૂના કામને ફરીથી તપાસવાનો સમય માનવામાં આવે છે. જ્યારે શનિ માર્ગી થાય ત્યારે અટકેલાં કામ આગળ વધે અને લાંબા સમયથી કરેલી મહેનતનું ફળ મળવાની માન્યતા છે.
આ તસવીર શેર કરો
ADVERTISEMENT
3/7
મકર રાશિના જાતકો માટે શનિદેવની સીધી ચાલ સારા સમાચાર લઈને આવી શકે છે. નોકરી કરતા લોકોને નવી જવાબદારી મળવાની સાથે પ્રમોશનના રસ્તા ખુલી શકે છે. જે લોકો લાંબા સમયથી નોકરીમાં ફેરફાર કરવા અથવા સારી તકની રાહ જોઈ રહ્યા છે તેમને પણ સફળતા મળી શકે છે.ધંધા સાથે જોડાયેલા લોકોને કોઈ મોટી ડીલ મળવાની શક્યતા છે. વેપારમાં નવા લોકો સાથે સંપર્ક વધશે અને કામકાજને આગળ વધારવાની તક મળી શકે છે. આર્થિક સ્થિતિમાં સુધારો થવાની સાથે અચાનક પૈસા મળવાના યોગ પણ બની શકે છે. મિત્રો અને નજીકના લોકો સાથે સમય પસાર કરવાની તક મળશે.
આ તસવીર શેર કરો
4/7
તુલા રાશિના જાતકો માટે શનિની માર્ગી ચાલ જીવનમાં સકારાત્મક ફેરફાર લાવી શકે છે. લાંબા સમયથી ઘર-પરિવારમાં ચાલી રહેલી સમસ્યાઓ ઓછી થઈ શકે છે. પરિવારના સભ્યો વચ્ચે સંબંધો સુધરશે અને માતાની તબિયતમાં પણ સુધારો જોવા મળી શકે છે.કલા, ક્રિએટિવિટી અને મીડિયા ક્ષેત્ર સાથે જોડાયેલા લોકો માટે આ સમય સારો રહી શકે છે. નોકરી કે વ્યવસાયમાં નવી તકો મળી શકે છે. આ સમય દરમિયાન બિનજરૂરી ખર્ચ પર કાબૂ મેળવવામાં સફળતા મળી શકે છે. ખર્ચ ઘટવાથી બચત વધશે અને આર્થિક સ્થિતિ પહેલાં કરતાં સારી બની શકે છે.
આ તસવીર શેર કરો
ADVERTISEMENT
5/7
વૃષભ રાશિના જાતકો માટે શનિદેવની સીધી ચાલ ભાગ્યનો સાથ અપાવનારી બની શકે છે. લાંબા સમયથી જે કામ અટકેલાં છે તેમાં પ્રગતિ થવાની શક્યતા છે. ખાસ કરીને અભ્યાસ કરતા વિદ્યાર્થીઓ માટે આ સમય સારો રહી શકે છે. સ્પર્ધાત્મક પરીક્ષાઓની તૈયારી કરતા વિદ્યાર્થીઓને મહેનતનું સારું પરિણામ મળી શકે છે.આ સમય દરમિયાન પરિવાર સાથે ક્યાંક ફરવા જવાનો પ્લાન પણ બની શકે છે. આર્થિક બાબતોમાં સ્થિતિ મજબૂત થવાના સંકેત છે. રોકાણ અને પૈસા સંબંધિત નિર્ણયો લેતી વખતે સમજદારી રાખવી ફાયદાકારક રહેશે. યોગ્ય આયોજનથી બચત વધારવાની તક મળી શકે છે.
આ તસવીર શેર કરો
6/7
જ્યોતિષીય માન્યતાઓ પ્રમાણે શનિવારનો દિવસ શનિદેવની પૂજા માટે ખાસ માનવામાં આવે છે. શનિદેવ માર્ગી થાય ત્યારે કેટલાક ધાર્મિક ઉપાય કરવાથી શુભ ફળ મળે તેવી માન્યતા છે.શનિવારે શનિ ચાલીસાનો પાઠ કરો: શનિવારના દિવસે શનિ ચાલીસાનો પાઠ કરવો શુભ માનવામાં આવે છે. તેનાથી શનિદેવની કૃપા મળે તેવી ધાર્મિક માન્યતા છે.ભગવાન શિવની પૂજા કરો: શનિવારે ભગવાન શિવની પૂજા કરીને શિવલિંગ પર જળ અર્પણ કરી શકાય છે.હનુમાનજીની આરાધના કરો: શનિ સંબંધિત મુશ્કેલીઓથી રાહત મેળવવા માટે હનુમાનજીની પૂજા કરવાનું પણ શુભ માનવામાં આવે છે.જરૂરિયાતમંદ લોકોને મદદ કરો: ગરીબ અને જરૂરિયાતમંદ લોકોને પોતાની શક્તિ પ્રમાણે મદદ કરવી જોઈએ. જરૂરિયાત મુજબ દાન કરવું પણ શુભ માનવામાં આવે છે.કામ પ્રત્યે ઈમાનદાર રહો: શનિદેવને કર્મફળ આપનાર દેવતા માનવામાં આવે છે. તેથી પોતાના કામ અને જવાબદારીઓ પ્રત્યે ઈમાનદાર રહેવું જોઈએ.
આ તસવીર શેર કરો
ADVERTISEMENT
7/7
ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી vtvgujarati.com નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
જોવા જેવું
ટોપ સ્ટોરીઝ
