મનોરંજન / 35 હજાર ફૂટની ઊંચાઈ પર પરિણીતિએ પતિ રાઘવ સાથે કરવા ચોથની ઉજવણી કરી, જુઓ Video

બોલિવૂડ અભિનેત્રી પરિણીતી ચોપરા અને BJP સાંસદ રાઘવ ચઢ્ઢાએ આ વર્ષનો 'કરવા ચોથ'નો તહેવાર એવી રીતે ઉજવ્યો કે સૌ કોઈ આશ્ચર્યચકિત થઈ ગયા. સામાન્ય રીતે લોકો આ તહેવાર પોતાના ઘરે કે પરિવાર સાથે જમીન પર રહીને ઉજવતા હોય છે, પરંતુ આ જાણીતી જોડીએ આ અવસરની ઉજવણી આકાશમાં, વાદળોની વચ્ચે ઊંચાઈ પર કરવાનું પસંદ કર્યું.

જ્યારે ફ્લાઈટમાં વિલંબ થવાને કારણે ઘરે પહોંચવું અશક્ય બની ગયું, ત્યારે આ યુગલે હાર માનવાને બદલે, આકાશમાં જ એક અનોખી રીતે પૂજા કરવાનું નક્કી કર્યું. પરિણીતીએ સોશિયલ મીડિયા પર તેના ચાહકો સાથે આ અત્યંત સુંદર અને રોમેન્ટિક ક્ષણનો એક વીડિયો શેર કર્યો છે, જે હવે સમગ્ર ઇન્ટરનેટ પર વાયરલ થઈ રહ્યો છે.

View this post on Instagram

A post shared by Sambhaav Nascent LLP (@vtv_gujarati_news)

ફ્લાઇટની અંદરની બારીખી ચંદ્રના દર્શન

શેર કરવામાં આવેલા વીડિયોમાં પરિણીતી ચોપરા વિમાનની બારીમાંથી આકાશમાં રહેલા ચંદ્રને નિહાળતી સ્પષ્ટ જોઈ શકાય છે. પરંપરા મુજબ, ચંદ્રના દર્શન કર્યા બાદ તેમણે એક વિધિ કરી, અને ત્યારબાદ તેમના પતિ રાઘવ ચઢ્ઢાએ તેમને પાણી આપીને તેમનો ઉપવાસ તોડાવ્યો. જમીનથી હજારો ફૂટ ઊંચે બનેલી આ દંપતી વચ્ચેની સ્નેહભરી ક્ષણ લોકોના દિલ જીતી રહી છે.

સોશિયલ મીડિયા પર શેર કરી નોટ

શુક્રવાર, 30 ઓક્ટોબરના રોજ ઇન્સ્ટાગ્રામ પર આ વીડિયો પોસ્ટ કરતી વખતે, પરિણીતીએ તેના પતિ રાઘવ માટે એક ખૂબ જ સુંદર અને હૃદયસ્પર્શી સંદેશ પણ લખ્યો. તેણે લખ્યું, "આપણે જ્યાં પણ હોઈએ, ત્યાં જ કરવા ચોથ છે ભલે પછી તે 35,000 ફૂટની ઊંચાઈ પર કેમ ન હોય! રાઘવ, તું મારા તમામ સપનાઓ સાકાર કરે છે. તું સૌથી અદ્ભુત વ્યક્તિ, શ્રેષ્ઠ માનવી અને અત્યંત પ્રેમાળ માણસ છે." આની સાથે, તેમણે કેપ્શનમાં ઉલ્લેખ કર્યો કે ફ્લાઇટમાં વિલંબ થવાને કારણે તેમને ઘરેથી નહીં, પરંતુ વિમાનમાં બેઠા-બેઠા જ ચંદ્ર જોવાની તક મળી, જેના લીધે તેમણે ત્યાં જ વિધિઓ સંપન્ન કરવાનો નિર્ણય લીધો.

આ પણ વાંચોઃ કરવા ચોથ પર સલમાન-ઐશ્વર્યાની તસવીર શેર કરવી ભંસાલી પ્રોડક્શન્સને ભારે પડી

વર્ષ 2023માં થયુ છે ભવ્ય લગ્ન

તમારી જાણકારી માટે, પરિણીતી ચોપરા અને રાઘવ ચઢ્ઢાએ સપ્ટેમ્બર 2023માં દિલ્હી ખાતે એક અત્યંત સુંદર અને ભવ્ય સમારોહમાં લગ્ન કર્યા હતા. આ ખાનગી લગ્ન સમારોહમાં માત્ર તેમના પરિવારના સભ્યો અને કેટલાક નજીકના મિત્રો જ હાજર રહ્યા હતા. લગ્ન પછી, આ દંપતીએ અવારનવાર તેમના ચાહકો સાથે સુંદર તસવીરો અને વીડિયો શેર કર્યા છે, જેને ખૂબ જ પસંદ કરવામાં આવ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ