AskSRK / એક ચાહકે શાહરૂખ પાસે છોકરી પટાવાની ટિપ્સ માંગી તો, આપ્યો એવો જડબાતોડ જવાબ કે તેની બોલતી કરી દીધી બંધ

• શાહરૂખ ખાનની ફેન ફોલોઈંગ દુનિયાભરમાં જબરદસ્ત છે
• ફેને શાહરૂખને પૂછ્યો એવો સવાલ કે શાહરૂખને ગમ્યો નહીં
• ચાહકે શાહરૂખ પાસે છોકરી પટાવાની ટિપ્સ માંગી

ઉલ્લેખનીય છે કે લોકો શાહરૂખ ખાનની ફિલ્મોની પણ આતુરતાથી રાહ જોતા હોય છે. એ જુદી વાત છે કે છેલ્લા કેટલાક સમયથી શાહરૂખની ફિલ્મ બોક્સ ઓફિસ પર કમાણી કરી શકી નથી, પરંતુ તેનાથી તેની ફેન ફોલોઈંગમાં કોઈ કમી નથી આવી. કિંગ ખાને બુધવારે ટ્વિટર પર AskSRK સેશન હોસ્ટ કર્યુંહતું. આમાં ચાહકોએ તેને મજેદાર પ્રશ્નો પૂછ્યા હતા અને કિંગ ખાને પણ તેના રસપ્રદ જવાબો આપ્યા હતા.

Start with not using the word ‘Patana’ dor a girl. Try with more respect gentleness and respect. https://t.co/z1aJ0idK0t

— Shah Rukh Khan (@iamsrk) March 31, 2021

એક છોકરાએ શાહરૂખ પાસે છોકરીને પટાવાની ટિપ્સ માંગી તો કદાચ શાહરૂખને ગમ્યું નહીં અને તેને જડબાતોડ જવાબ આપતા શાહરૂખે કહ્યું કે સૌથી પહેલાં તો આ પટાવવું શબ્દનો ઉપયોગ કરવાનું બંધ કરી દો અને છોકરીઓ પ્રત્યે સન્માન રાખો. જ્યારે એક અન્ય યુઝરે શાહરૂખને પૂછ્યું કે તેને બાથરૂમમાં આટલો સમય કેમ લાગે છે. તે એવું તો શું કરે છે અંદર તો જવાબ આપતા શાહરૂખે કહ્યું, તમને વીડિયો મોકલી દઈશ. તમારી જિજ્ઞાસા અને શીખાવાની ધગશ હૃદયસ્પર્શી છે. 

Will send you a video....ur inquisitiveness and yearning for learning is very touching. https://t.co/7hLStvekHX

— Shah Rukh Khan (@iamsrk) March 31, 2021

શાહરૂખ ખાન સતત સોશિયલ મીડિયા પર આવા સવાલોના જવાબ આપતો રહે છે. જ્યાં આજે તેણે 15થી વધુ લોકોના પ્રશ્નોના જવાબ આપ્યા. શાહરૂખ ખાને છેલ્લે ફેન્સને અલવિદા કહેતા લખ્યું, 'હવે મારે જવું જોઈએ નહીં તો એવું લાગશે કે મને કંઇપણ કરવામાં કોઈ રસ નથી. દરેકના સમય અને ધૈર્ય માટે આભાર અને જવાબ વિના નિરાશ ન થતાં. આ મારા તરફથી થોડું સ્વાર્થી લાગશે પરંતુ એવું નથી, પરંતુ હું આ મારા માટે કરું છું અને મારે કહેવું પડશે કે મારી પાસે મસ્તી માટે સમય હતો. તમને બધાને પ્રેમ અને કૃપા કરીને સુરક્ષિત રહો.'