ન્યાયિક / 'સેકસ માટે 14 વર્ષની છોકરીની સંમતિ અમાન્ય'- ટ્યુશન ટીચર રેપ કેસમાં HCનો ચુકાદો

•  ટ્યુશન ટીચર રેપ કેસમાં દિલ્હી હાઈકોર્ટનો ચુકાદો 
• આરોપી ટીચરે ટ્યુશને આવતી સગીરા પર કર્યો હતો રેપ
• ઘટના સમયે પીડિતાની ઉંમર હતી 14 વર્ષ

દિલ્હી હાઈકોર્ટે સગીર વિદ્યાર્થીની સાથે શારીરિક સંબંધ બાંધનાર ટ્યુશન ટીચરને જામીન આપવાનો ઈન્કાર કર્યો છે. ટ્યુશન ટીચરનો દાવો છે કે તેની અને વિદ્યાર્થીની વચ્ચે પરસ્પર સંમતિથી સંબંધો બંધાયા છે.  ફરિયાદીનો આરોપ છે કે આ દરમિયાન તે બે વાર ગર્ભવતી થઈ હતી, પરંતુ આરોપીએ બંને વખત તેનો ગર્ભપાત કરાવી દીધો હતો. આરોપી પહેલાથી જ પરિણીત હતો.

ઘટના સમયે છોકરીની ઉંમર હતી 14 વર્ષ 
જસ્ટિસ સ્વર્ણકાંતા શર્માએ જણાવ્યું હતું કે કથિત યૌન શોષણ સમયે પીડિતાની ઉંમર માત્ર 14 વર્ષની હતી અને કાયદાની નજરમાં તેની સંમતિ સહમતિ નહોતી અને આરોપી તેના શિક્ષક તરીકે પ્રભાવશાળી પદ પર હતો. "અરજદારના વકીલની દલીલમાં કોઈ યોગ્યતા નથી કે બંને પક્ષો વચ્ચેના સંબંધો સંમતિપૂર્ણ હતા કારણ કે ૨૦૧૨ માં જાતીય હુમલોની પ્રથમ ઘટના સમયે પીડિતાની ઉંમર માત્ર ૧૪ વર્ષની હતી અને કાયદાની નજરમાં તેની સંમતિ સંમતિ નહોતી," કોર્ટે આરોપીની જામીન અરજીને ફગાવી દેતા આદેશમાં જણાવ્યું હતું. 

શું હતી ઘટના
છોકરીનો આરોપ હતો કે 2012માં તે જ્યારે નવમા ધોરણમાં ભણતી હતી ત્યારે એક કોચિંગ સેન્ટર જતી હતી. જ્યાં એક ટીચરે તેનું યૌન શૌષણ કર્યું હતું. તેણે કહ્યું હતું કે 2017સુધી ટીચર તેને આશ્વાસન આપતો રહ્યો હતો કે તે તેની સાથે લગ્ન કરી લેશે અને આ વાતને આધારે તેણે ઘણી વાર શારીરિક સંબંધો બાંધ્યા હતા. ફરિયાદીનો આરોપ છે કે, આ દરમિયાન તે બે વાર ગર્ભવતી થઈ હતી, પરંતુ આરોપીએ તેનો ગર્ભપાત કરાવી દીધો હતો અને તેને એ પણ ખબર પડી કે આરોપી પહેલાથી જ પરિણીત છે. ફરિયાદના આધારે ભારતીય દંડ સંહિતા (આઈપીસી) અને પ્રોટેક્શન ઓફ ચિલ્ડ્રન ફ્રોમ સેક્સ્યુઅલ ઓફેન્સિસ એક્ટ (પોક્સો) હેઠળ એફઆઈઆર નોંધવામાં આવી હતી.

પરણિત હોવાની હકીકત આરોપીએ છૂપાવી-કોર્ટ 
કોર્ટે કહ્યું કે આરોપોની ગંભીરતા અને ટ્રાયલ કોર્ટે હજી સુધી ફરિયાદીની તપાસ કરી નથી તે હકીકતને ધ્યાનમાં રાખીને, જામીન આપવા માટે કોઈ આધાર નથી. કોર્ટે કહ્યું કે આરોપીએ પીડિતાથી એ પણ છુપાવ્યું હતું કે તે પહેલાથી જ પરિણીત છે અને લગ્નના ખોટા વચન પર તેણે ઘણી વખત તેની સાથે યૌન શોષણ કર્યું છે, તેમ છતાં તે પહેલાથી જ પરિણીત હોવાથી તેની સાથે લગ્ન કરી શક્યો ન હતો.