આવક / ત્રણ મહિના, 7 ફિલ્મો, કરોડોની કમાણી, બૉલીવુડ ફરી થયું બેઠું, કરી નાખી રેકોર્ડબ્રેક આવક, જુઓ કઈ ફિલ્મ કેટલું કમાઈ

• વર્ષ 2023 બૉલીવુડ માટે ખુશીઓનો ખજાનો
• એક પછી એક ચડિયાતી ફિલ્મોએ બૉલીવુડને ઉભું કર્યું
• કમાણીમાં ટોપ પર ચાલતી ગદર 2 

વર્ષ 2023 બૉલીવુડ માટે ખુશીઓનો ખજાનો બની ગયું છે. લોકો જેની આશા છોડીને બેઠા હતા એ બૉલીવુડ ઈન્ડસ્ટ્રીના ફિલ્મોએ ધોમ કમાણી કરતા હવે બધાની બોલતી બંધ થઈ ગઈ છે. આ વર્ષમાં શાહરૂખ ખાનની ફિલ્મ પઠાણે કામણીનો ઈતિહાસ સર્જી દીધા બાદ બૉલીવુડમાં નવો ચીલો ચિતરાયો છે અને હવે છેલ્લા ત્રણ મહિનામાં પણ બૉલીવુડની ફિલ્મોએ આશા કરતાં ખૂબ સારી કમાણી કરી છે. તેમાં પણ ગદર 2 ટોપ પર છે.

જરા હટકે જરા બચકે

વિકી કૌશલ અને સારા અલી ખાનની ફિલ્મ જરા હટકે જરા બચકે 2 જૂને રિલીઝ થઈ હતી. પ્રારંભમાં લોકોએ રસ ન દાખવ્યો બાદમાં સારી કમાણી રોળી હતી. જે ફિલ્મે કુલ 88 કરોડની કમાણી કરી હતી, તો આદિપુરુષનો પણ ફાળો છે. પ્રભાસ અને કૃતિ સેનન અભિનીત રામાયણ પર આધારિત આ ફિલ્મ 16 જૂને રિલીઝ થયા બાદ 135.04 કરોડની કમાણી કરી હતી.

રોકી ઔર રાની કી પ્રેમ કહાની

29 જૂને રિલીઝ થયેલી સત્યપ્રેમ કી કથાએ ફિલ્મ 77.5 કરોડની કમાણી કરી છે. રોકી ઔર રાની કી પ્રેમ કહાનીમાં પણ રણવીર સિંહ અને આલિયા ભટ્ટની જોડી જબરદસ્ત એક્ટિંગ કરી છે. 28 જુલાઈના રોજ રિલીઝ થયેલી ફિલ્મ 147.75 કરોડની કમાણી કરી હતી. ઉપરાંત OMG 2 જે 11 ઓગસ્ટના રોજ રિલીઝ થઈ હતી. 22 વર્ષ પછી આ ફિલ્મ પાછી આવી જે અત્યાર સુધીમાં 135 કરોડની કમાણી કરી લીધી છે. ઓછી કમાણી પાછળ ગદર કારણભૂત કહી શકાય છે.

ગદર 2

સની દેઓલની ગદર 2, જે 11 ઓગસ્ટે આવી હતી, તેને ફિલ્મે 456 કરોડની કમાણી કરી છે અને કમાણીમાં હિન્દી ભાષાની ફિલ્મમાં ત્રીજું સ્થાન મેળવ્યું છે. તથા ડ્રીમ ગર્લ 2 જે હાલમાં જ રિલીઝ થયેલી છે. 3 દિવસમાં ફિલ્મે લગભગ 56 કરોડની કમાણી કરી લીધી છે.