નવો કાયદો લાગુ / ફોસલાવીને બીજાની પત્ની સાથે શારીરિક સંબંધ બાંધવો ગુનો, થશે આટલા વર્ષની સજા

ભારતીય ન્યાયિક સંહિતા (BNS) ની કલમ 84 આજકાલ ચર્ચાનો વિષય છે. આ કલમ હેઠળ ગુનાહિત ઈરાદા સાથે પરિણીત મહિલાને લલચાવવી હવે સજાપાત્ર ગુનો ગણવામાં આવશે. BNSમાં 20 પ્રકરણો છે, પ્રકરણ 5માં મહિલાઓ અને બાળકો સામેના ગુનાઓ માટેના કાયદાઓ છે. ભારતીય દંડ સંહિતા (BNS), ભારતીય નાગરિક સંરક્ષણ સંહિતા (BNSS) અને ભારતીય પુરાવા અધિનિયમ 1 જુલાઈથી સમગ્ર દેશમાં અમલમાં આવ્યા છે. 1860માં અંગ્રેજો દ્વારા લાગુ પાડવામાં આવેલા 163 વર્ષ જૂના IPC કાયદાને બદલે હવે BNS અસ્તિત્વમાં આવ્યો છે. આ કાયદામાં ગુનાઓ માટે આવી ઘણી જોગવાઈઓ કરવામાં આવી છે જે અગાઉ આઈપીસીમાં નહોતી. ઉદાહરણ તરીકે, હવે લગ્ન અથવા નોકરીની લાલચ આપીને કોઈની સાથે શારીરિક સંબંધ બાંધવા પર 10 વર્ષની જેલ અને દંડની જોગવાઈ છે. તેવી જ રીતે સંગઠિત અપરાધ માટે પણ કડક સજાની જોગવાઈ કરવામાં આવી છે. સમાજસેવા કરાવીને પણ ગુનેગારને સજા કરવાની પણ જોગવાઈ છે.

ભારતીય ન્યાયિક સંહિતાની કલમ 84 શું

ભારતીય ન્યાયિક સંહિતાની કલમ 84 જણાવે છે કે જો કોઈ વ્યક્તિ પહેલાથી જ પરિણીત મહિલાને લલચાવે છે કે તેની સાથે શારીરિક સંબંધ બાંધે છે, તો આવી વ્યક્તિને સજા કરવામાં આવશે. આવું ત્યારે જ થશે જ્યારે આવું કરનાર વ્યક્તિ સારી રીતે જાણે છે કે તે જે સ્ત્રીને ફસાવી રહ્યો છે અને તેની સાથે સંબંધ બાંધી રહ્યો છે તે પહેલાથી જ બીજા પુરુષની પત્ની છે.

વધુ વાંચો : 'દીવની દીકરી', બ્રિટનમાં ચૂંટણી જીતી, સામાન્ય ચૂંટણીમાં વગાડ્યો ડંકો

બીજાની પત્નીને ફોસલાવીને સંબંધ બાંધવો ગુનો

આ કલમ માત્ર સ્ત્રીને ફસાવવા અને તેની સાથે શારીરિક સંબંધ બાંધવા માટે લાગુ પડતી નથી, પરંતુ જો તે સ્ત્રીને છુપાવે છે અથવા તેને પોતાની કસ્ટડીમાં રાખે તો તેને પણ સજા થશે. સરળ શબ્દોમાં કહીએ તો, ગુનાહિત ઈરાદાથી પરિણીત મહિલાને ફસાવવા અને તેને તેના પતિથી દૂર લઈ જવી અથવા તેને પોતાની કસ્ટડીમાં રાખવી એ હવે સજાપાત્ર ગુનો બની ગયો છે. જો કોઈ વ્યક્તિ આમ કરતી જોવા મળે તો તેને બે વર્ષ સુધીની જેલ અથવા દંડ અથવા બંને સજા થઈ શકે છે. આ નવા કાયદા દ્વારા મહિલાઓની સુરક્ષા અને તેમના અધિકારોને મજબૂત કરવાનો પ્રયાસ કરવામાં આવ્યો છે.