એલર્ટ / Google પર ડૉક્ટરનો નંબર સર્ચ કરવો ભારે પડ્યો, એકાઉન્ટમાંથી 5 લાખ તળિયાઝાટક

બરેલીમાં એક પરિવારને ડોક્ટરનું અપોઇન્ટમેન્ટ લેવા ગૂગલ પર નંબર શોધવું ભારે પડી ગયું. જેમાં ઇફકો કોલોનીના રહીશ સર્વેશ શર્માના બાળકને તકલીફ હતી તેથી તેમને 24 ઓગસ્ટે અયુબ ખાન ચોરાહા પાસેના નાક-કાન-ગળાના નિષ્ણાત ડોક્ટર પાસે અપોઇન્ટમેન્ટ લેવાનું નક્કી કર્યું. ગૂગલ પર મોબાઇલ નંબર શોધીને કૉલ કરતાં જ સામેના વ્યક્તિએ પોતાને ડોક્ટરના અપોઇન્ટમેન્ટ વિભાગ સાથે જોડાયેલો હોવાનું જણાવ્યું હતું.

જેમાં તેને કહ્યું કે હવે જૂની રીત બદલાઈ ગઈ છે અને ઓનલાઇન પ્રક્રિયા દ્વારા જ અપોઇન્ટમેન્ટ લેવું પડશે. ત્યારબાદ વોટ્સએપ પર એક APK ફાઇલ મોકલીને તે ડાઉનલોડ કરાવી. સર્વેશે વિશ્વાસ કરીને ફાઇલ ઇન્સ્ટોલ કરી દીધી પણ અપોઇન્ટમેન્ટ ક્યારેય થયું નહીં. પછી તેઓ પોતે જ ડોક્ટર પાસે ગયા અને દવા લઈ આવ્યા. ત્યારે તેમને ખ્યાલ પણ નહોતો કે મોબાઇલમાં ઘૂસી ગયેલી આ ફાઇલથી તેમના સાથે સાયબર ઠગાઈ થઈ ચૂકી છે.

12 સપ્ટેમ્બરે બેંકમાં જતાં જાણવા મળ્યું કે ખાતામાંથી લગભગ 5 લાખ 6 હજાર રૂપિયા ગાયબ થઈ ગયા છે. સર્વેશે તરત જ સાયબર થાનામાં ફરિયાદ નોંધાવી. જેમાં પોલીસે અજ્ઞાત આરોપી સામે કેસ નોંધીને તપાસ શરૂ કરી છે.

વધુ વાંચો : ટ્રેનમાં આધાર કાર્ડ ભૂલી ગયા? તો આ રીતે મોબાઈલમાં કરી લો ડાઉનલોડ, કામ થઇ જશે

આથી લોકોને અપીલ કરવામાં આવી છે કે અજાણ્યા લોકોની વાત પર વિશ્વાસ ન કરો અને કોઈ પણ અનનોન APK ફાઇલ ક્યારેય ડાઉનલોડ ન કરો. પોલીસે ચેતવણી આપી છે કે ડોક્ટર કે હોસ્પિટલના નંબર ગૂગલ પર શોધતી વખતે વધુ સાવધાની રાખવી જરૂરી છે, કેમ કે સાયબર અપરાધીઓ ઘણી વાર ખોટી માહિતી મૂકીને લોકોને જાળમાં ફસાવતા હોય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ