ચિંતા / આ રાજ્યની મેડિકલ કોલેજમાં ફુટ્યો કોરોનાનો બોમ્બ, એક સાથે 66 વિદ્યાર્થીઓ સંક્રમિત થતાં, આરોગ્યતંત્ર દોડતું થયું

• કર્ણાટકના મેડિકલ કોલેજમાં ફુટ્યો કોરોનાનો બોમ્બ
• એક સાથે 66 વિદ્યાર્થીઓ કોરોનાની ચપેટમાં
• અટલા બધા વિદ્યાર્થીઓ સંક્રમિત થતાં તંત્ર હરકતમાં 

મેડિકલ કોલેજમાં એક સાથે 66 વિદ્યાર્થીઓ કોરોનાની ચપેટમાં
  
કર્ણાટકના SDM મેડિકલ કોલેજમાં એક સાથે 66 વિદ્યાર્થીઓ કોરોનાની ચપેટમાં આવતાંની સાથે આરોગ્યતંત્ર સહિત સૌકોઈમાં ચિંતા પ્રસરી જવા પામી છે. વહીવટીતંત્ર દ્વારા તાત્કાલિક પગલાં ભરતાં કોલેજની બિલ્ડીંગ અને બે હોસ્ટેલોને સીલ કરી દીધું છે. મહત્વનું છે કે, આ કોલેજમાં 400થી વધુ વિદ્યાર્થીઓ અભ્યાસ કરી રહ્યાં છે.

કર્ણાટકના મેડિકલ કોલેજમાં ફુટ્યો કોરોનાનો બોમ્બ

જણાવવામાં આવી રહ્યું છે કે, કોલેજમાં કેટલાક વિદ્યાર્થીઓ કોરોનાની ચપેટમાં આવી જતાં મેડિકલ કોલેજ દ્વારા તમામનો કોરોના ટેસ્ટ કરવવાનો નિર્ણય લેવામાં આવ્યો હતો. અત્યાર સુધી 300 વિદ્યાર્થીઓનો ટેસ્ટ થઈ ચુક્ચો છે. જેમાંથી 66 વિદ્યાર્થીઓ કોરોનાની ચપેટમાં આવી ગયા છે. આ પહેલા કેટલીક શાળાઓ અને કોલેજમાં કોરના રૂપી બોમ્બ ફાટ્યો છે. તાજેતરમાં રાજસ્થાનના ઉદયપુરમાં એક શાળામાં 11 વિદ્યાર્થીઓ કોરોનાનો રિપોર્ટ પોઝિટીવ આવ્યો હતો. બીજી બાજુ તેલંગાણામાં પણ એક સ્કુલમાં 28 વિદ્યાર્થીઓ કોરોનાના શિકાર બન્યા હતાં. આ સિવાય દેશના અન્ય રાજ્યોમાં પણ સ્કુલમાંથી આ પ્રકારના સમાચારો સાંભળવા મળે છે. 

બાળકોની વેક્સિન પર શું સ્થિતી છે 

દેશમાં હાલ સુધી કોરોનાની ત્રીજી લહેર દસ્તક નથી લીધી પરંતુ બાળકો અને વિદ્યાર્થીઓની વચ્ચે કોરોનાના ખૂબ ઝડપથી ફેલાઈ રહ્યો છે. તે સારી વાત નથી. જ્યારે દરેક રાજ્યમાં સ્કુલ અને કોલેજો શરૂ થવા માંડી છે. તેની સાથે કોરોના કેસોમાં ઉછાળો જોવા મળી રહ્યો છે. કેટલાક નિષ્ણાંતોનું માનવું છે કે, હવે બાળકોને પણ વેક્સિનન આપવી જોઈએ. અત્યાર સુધી સરકાર દ્વારા બનાવેલી કમિટી આ વાત વિચાર કરી રહી છે. કહેવામાં આવી રહ્યું છે કે, આવતા વર્ષે જાન્યુઆરીમાં બીમાર બાળકોને પહેલા વેક્સીન આપવામાં આવી શકે છે. ત્યાર બાદ માર્ચ મહિનાથી દરેક બાળકોને કોરોનાની વેક્સીન લગાવવા શરૂ થઈ શકે છે. હજી સુધી આ અંગે કોઈ  સત્તાવાર કોઈ જાહેરાત કરાઈ નથી. પરંતુ સરકાર દ્વારા બનાવવામાં આવેલી કમિટી આ મામલે ઘણી આગળ વધી ગઈ છે.