નેશનલ / લેડી ટીચરના એક્ટિવા સાથે ટકરાતા તૂટ્યો હાથીનો દાંત, લોકોએ કહ્યું-'આ તો બુલડોઝર કરતાં પણ મજબૂત'

હાથીને જંગલના સૌથી શક્તિશાળી પ્રાણીઓમાં ગણવામાં આવે છે, તેથી સ્કૂટી સાથે અથડાઈને તેનો દાંત તૂટી જવો ખૂબ જ અજીબ ઘટના માનવામાં આવી રહી છે. ઉત્તરાખંડના ખાટીમા શહેરમાં બનેલી આ ઘટનામાં સ્કૂટી ચલાવી રહેલી મહિલા સાથે અથડાયા બાદ હાથીના દાંત તૂટી ગયા હતા. આ અકસ્માતમાં મહિલાને પણ ઇજા પહોંચી હતી. માહિતી મુજબ ઇજાગ્રસ્ત મહિલા વ્યવસાયે શિક્ષિકા હતી.

આ અકસ્માતમાં મહિલા અને હાથી બંનેને નુકસાન થયું હતું. પરંતુ આ ઘટના વિશે જાણ્યા પછી સોશિયલ મીડિયા યુઝર્સ પોતાની હંસી રોકી શકતા નથી અને મજાકમાં કહી રહ્યા છે કે હવે તો હાથી પણ સેફ નથી.

માહિતી મુજબ ઉત્તરાખંડના ઉધમસિંહ નગર વિસ્તારમાં એક મહિલા સ્કૂટી પર જંગલના રસ્તેથી જઈ રહી હતી. ત્યારે બનબસા-ચકરપુર વચ્ચેના ઘના જંગલ વિસ્તારમાં અચાનક એક હાથી રોડ પર આવી ગયો. જેના કારણે મહિલા સ્કૂટી પરનો કાબૂ ગુમાવી બેઠી અને સીધી હાથી સાથે અથડાઈ ગઈ. આ ટક્કર એટલી જોરદાર હતી કે એક તરફ મહિલાને ઇજા પહોંચી તો બીજી તરફ હાથીનો દાંત પણ તૂટી ગયો.

હાથી ડરીને ભાગ્યો

જો તે રસ્તા પર મહિલાનો હાથી સાથે એકલા સામનો થયો હોત તો હાથી આક્રમક પણ બની શક્યો હોત. પરંતુ ત્યાંથી પસાર થતા લોકોએ બૂમાબૂમ કરતા હાથી ડરી ગયો અને પાછો જંગલમાં ચાલી ગયો. આ અકસ્માતમાં હાથીનો એક દાંત તૂટી ગયો હતો, જ્યારે સ્કૂટીને પણ નુકસાન થયું હતું. માહિતી મુજબ મહિલા ટનકપુરમાં ભણાવવા જઈ રહી હતી ત્યારે આ ઘટના બની હતી.

સોશિયલ મીડિયા પર ઘણા યુઝર્સ આ ઘટનાને ગંભીરતાથી લેવાના બદલે મજાકમાં લઈ રહ્યા છે. એક યુઝરે લખ્યું કે આટલો મોટો હાથી દેખાયો નહીં અને બિચારા નો દાંત તોડી નાખ્યો.

આ પણ વાંચોઃ ચાલુ રહેશે ભીષણ ગરમી અને લૂનો કેર, વરસાદ પણ આપશે રાહત, જાણો 21મેનું હવામાન બીજા યુઝરે મજાકમાં કહ્યું કે “એટલે તો એક્ટિવા બુલડોઝર કરતાં પણ વધારે ખતરનાક છે. ત્રીજા યુઝરે સવાલ કર્યો કે સ્કૂટી સાથે અથડાઈને હાથી કેવી રીતે પડી ગયો? જ્યારે ચોથા યુઝરે લખ્યું કે ભૂલ હાથીની જ છે, જો તે આજે રોડ ક્રોસ ન કરત તો સલામત હોત.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ